Click it and Unblock the Notifications
നാല്ദെഹ്റ കോള്ഫ് കോഴ്സിന്റെ മധ്യത്തിലാണ് മഹുനാഗ് ക്ഷേത്രം സ്ഥിതി ചെയ്യുന്നത്. സമുദ്ര നിരപ്പില് നിന്നും 1830 അടി ഉയരത്തില് സ്ഥിതി ചെയ്യുന്ന ഈ ക്ഷേത്രത്തില് സൂര്യദേവന്റെ പുത്രനായ കര്ണനെ ആണ് ആരാധിക്കുന്നത്. കര്ണന്റെ മറ്റൊരു നാമമാണ് മഹുനാഗ് എന്നത്. നിയമപരമായ പ്രശ്നങ്ങളും കുടുംബ തര്ക്കങ്ങളും പരിഹരിക്കപ്പെടാന് ഈ ക്ഷേത്രത്തില് വന്ന് പൂജകള് നടത്തുന്നത് സഹായിക്കുമെന്നാണ് ഇവിടുത്തുകാരുടെ വിശ്വാസം.
ചരിത്ര രേഖകളില് പറയുന്നത് വിശ്വസിക്കാമെങ്കില് കര്ണന്റെ ഭക്തനായ ശ്യാംസെന് രാജാവ് 1664 ല് പണികഴിപ്പിച്ചതാണീ ക്ഷേത്രം. പഹാരി ശൈലിയിലാണ് ക്ഷേത്രം നിര്മ്മിച്ചിരിക്കുന്നത്. ഞാറാഴ്ചകളില് നിരവധി വിശ്വാസികള് ഈ അമ്പലത്തില് എത്താറുണ്ട്. എല്ലാ വര്ഷവും മകര സംക്രാന്തി ദിനത്തിലാണ് ഇവിടുത്തെ ഉത്സവം. സന്ദര്ശനത്തിനെത്തുന്നവര്ക്ക് എത്തുന്നവര്ക്ക് കര്സോഗ്, ഹിമാലയന് താഴ് വരകള് ക്ഷേത്രത്തില് നിന്നും വളരെ വ്യക്തമായി കാണാം.
