നാല്ദെഹ്റയില് നിന്നും 58 കിലോ മീറ്റര് അകലെ സ്ഥിതി ചെയ്യുന്ന തട്ടപാനി ഈ മേഖലയിലെ പ്രധാന വിനോദ സഞ്ചാര കേന്ദ്രങ്ങളില് ഒന്നാണ്. സമുദ്ര നിരപ്പില് നിന്നും 655 അടി മുകളില് സ്ഥിതി ചെയ്യുന്ന ഈ സ്ഥലത്തിന്റെ പ്രത്യേകത ചൂട് നീരുറവകളാണ്. ഗന്ധകം ചേര്ന്ന ഈ നീരുറവകളിലെ വെള്ളത്തില് മുങ്ങുന്നത് തളര്ച്ച, സന്ധിവേദന, ത്വക് രോഗങ്ങള് എന്നിവ ഭേദമാക്കാന് നല്ലതാണന്നാണ് ഇവിടുള്ളവരുടെ വിശ്വാസം.
സത്ലജ് നദീ തീരത്തുള്ള നീരുറവ ഏകദേശം ഒരു ചതുരശ്രഅടി കിലോമീറ്ററോളം വ്യാപിച്ചു കിടക്കുന്നതാണ്. എല്ലാ വര്ഷവും ജൂണ് ജൂലൈ മാസങ്ങളില് ഈ ചൂട് നീരുറവകള് അപ്രത്യക്ഷമാകും. പിന്നീട് നവംബറിലോ ഡിസംബറിലോ പ്രത്യക്ഷമാവുകയും ചെയ്യും. സത്ലജ് നദിയില് ചങ്ങാടത്തിലും കട്ട മരത്തിലും യാത്ര നടത്താനും സന്ദര്ശകര്ക്ക് ഇവിടെ അവസരമുണ്ട്്. ജനുവരി മുതല് ഏപ്രില് വരെയുള്ള മാസങ്ങളിലാണ് സന്ദര്ശകര് കൂടുതലായി ഇവിടെ എത്തുന്നത്.