Click it and Unblock the Notifications
പിതോരഘറിലെ ഒരു പ്രമുഖ സഞ്ചാരകേന്ദ്രമാണ് ദീദിഹത്. പിതോരഘര് പട്ടണത്തില് നിന്ന് 54 കിലോമീറ്റര് അകലെയായ് സ്ഥിതിചെയ്യുന്ന ഈ പ്രദേശം ഒരു നഗരപഞ്ചായത്താണ്. സമുദ്രനിരപ്പില് നിന്ന്1725 മീറ്റര് ഉയരത്തില് ദിഗ്താര് എന്ന് പേരുള്ള ഒരു കുന്നിന്റെ മുകളിലായിട്ടാണ് ഈ സ്ഥലം. കുമയൂണി ഭാഷയിലെ ദണ്ഡ് എന്ന പദത്തില് നിന്നാണ് ഈ സ്ഥലനാമത്തിന്റെ ഉത്ഭവം.
ചെറിയ കുന്ന് എന്നാണിതിനര്ത്ഥം. ചരംഗഡ് നദി ഈ കുന്നിന്റെ താഴ്വാരത്തിലൂടെയാണ് ഒഴുകുന്നത്. ബാരിഗഡ് എന്നും ഈ നദി അറിയപ്പെടുന്നു. മനോഹരമായ ഹാത് വാലി ഇതിനടുത്ത് തന്നെയാണ്. സിരാകോട്ട് എന്ന പേരില് ഒരു ശിവക്ഷേത്രവും ഈ കുന്നിന്മേടിലുണ്ട്. ഹാത് വാലിയില് നിന്ന് അധികം ദൂരെയല്ലാതെ നന്പൌപ് എന്ന പ്രദേശത്തുള്ള ക്ഷേത്രം സഞ്ചാരികള്ക്കിടയില് പ്രസിദ്ധമാണ്.
