Click it and Unblock the Notifications
രാജാക്കന്മാരുടെ കാലത്തെ തുറമുഖമായിരുന്ന ബാന്ദര് എന്ന പേരില് നിന്നാണ് രിബാന്ദറിന് ഈ പേര് ലഭിച്ചത് എന്ന് കരുതപ്പെടുന്നു. പനജിയുടെ ഉള്നഗരമായ രിബാന്ദര് ഇലാസ് ജില്ലയിലാണ്. ഏത് രാജാവാണ് രിബാന്ദറിന് ഈ പേര് നല്കിയത് എന്ന് വ്യക്തമല്ല. എങ്കിലും രിബാന്ദറിന്റെ ചരിത്രപ്രാധാന്യം വ്യക്തമാക്കുന്ന രീതിയിലാണ് ഇവിടെ നിരവധി പള്ളികളും ആശുപത്രികളും സംരക്ഷിച്ചുപോരുന്നത്.
ഏഷ്യയിലെ ആദ്യത്തെ ആശുപത്രി എന്ന് കരുതപ്പെടുന്ന ഗോവ ഇന്സ്റ്റിറ്റിയൂട്ട് ഓഫ് മാനേജ്മെന്റ് ഇവിടെയാണ്. രിബാന്ദറിലെ മനോഹരമായ അസ്തമയക്കാഴ്ചകളാണ് ഇവിടേക്ക് സഞ്ചാരികളെ ആകര്ഷിക്കുന്ന ഒരു ഘടകം എന്ന് എടുത്തുപറയേണ്ടതുണ്ട്. കച്ചവടവല്ക്കരണം അധികമൊന്നും നടന്നിട്ടില്ലാത്ത ഗോവന് നഗരമാണ് രിബാന്ദര്. ഗോവന് പ്രീസ്റ്റായിരുന്ന ഫാദര് അന്റോണിയോ സേവ്യര് ആള്വാറുമായി വളരെയധികം ബന്ധപ്പെട്ട സ്ഥലമാണിവിടം.
മണ്ഡോവി നദിക്ക് സമീപത്തായി സ്ഥിതിചെയ്യുന്ന രിബാന്ദറിലേക്ക് എത്തിച്ചേരാന് വളരെ എളുപ്പമാണ്. നിരവധി കാബുകളും മറ്റ് വാഹനങ്ങളും ഇവിടേക്ക് ലഭിക്കും. എന്നിരിക്കിലും പ്രകൃതിഭംഗി ആസ്വദിച്ചുകൊണ്ട് ഒന്നുരണ്ട് ക്ഷേത്രങ്ങളിലും പള്ളികളിലും സന്ദര്ശിക്കാന് കൂടെ തോന്നുന്നെങ്കില് ഒരു ബൈക്ക് വാടകയ്ക്കെടുത്ത് സഞ്ചരിക്കുന്നതായിരിക്കും ഉത്തമം.
