Click it and Unblock the Notifications
ക്രമിനല്‍ പശ്ചാത്തലമുള്ളവരോ, തെറ്റ് ചെയ്തവരോ ആയ ആളുകള്‍ക്ക് മാനസാന്തരം വരുത്താനും സ്വസ്ഥമായിരിക്കാനും വെണ്ടി ജോസ് പൗലോ എന്നയാളാണ് ക്യൂപേമിലെ പാലസിയ ഡോ ഡിയോ സ്ഥാപിച്ചതെന്നാണ് വിശ്വസിക്കപ്പെടുന്നത്. ഇദ്ദേഹം സ്ഥാപിച്ച കൊട്ടാരമാണ് ഇന്ന് നിരവധി സഞ്ചാരികളെ ആകര്‍ഷിക്കുന്ന പാലസിയ ഡോ ഡിയോ. രണ്ട് നൂറ്റാണ്ടുകള്‍ക്ക് മുന്‍പ് നിര്‍മിച്ച ഈ കൊട്ടാരം നിരവധി തവണ പുതുക്കിപ്പണിയുകയുണ്ടായി. ഗോവയിലെ പ്രധാനപ്പെട്ട ആകര്‍ഷണങ്ങളിലൊന്നാണ് ഇന്ന് ഈ കൊട്ടാരം. വിദേശികളും സ്വദേശികളുമായി നിരവധി സഞ്ചാരികള്‍ ഇവിടെ വന്നുപോകുന്നു.
ഇന്ത്യന്‍ - പോര്‍ട്ടുഗീസ് നിര്‍മാണശൈലിയുടെ ഒരു സയംയോജനമാണ് ഈ കൊട്ടാരം എന്നുവേണമെങ്കില്‍ പറയാം. റസ്റ്റോറന്റും ലൈബ്രറിയുമടക്കമുള്ള ഭാഗങ്ങള്‍ ഹൈന്ദവ ശൈലിയിലാണ് പണിതീര്‍ത്തിരിക്കുന്നത്. എന്നാല്‍ പ്രവേശനകവാടത്തിനരികലായി ഒരു കൃസ്ത്യന്‍ ചാപ്പലും കാണാം. വൈകുന്നേരങ്ങളില്‍ ഗോവന്‍ ഭക്ഷണവും കഴിച്ച് ഇവിടെ സമയം ചെലവഴിക്കാനായി നിരവധി ആളുകള്‍ ഇവിടെ ഒത്തുകൂടുന്നു.
പോര്‍ട്ടുഗീസ് കാലത്തെ അത്രയും നന്നായി ഓര്‍മിപ്പിക്കാന് കഴിയുന്ന ഒരിടമാണ് പാലസിയ ഡോ ഡിയോ. ഇവിടെ അടുത്താണ് പ്രസിദ്ധമായ ഹോളി ക്രോസ് ചര്‍ച്ച്. മര്‍ഗോവയില്‍ നിന്നും ആറി കിലോമീറ്റര്‍ ദൂരത്തായാണ് പാലസിയ ഡോ ഡിയോയും ക്യൂപേവും. വാസ്‌കോ, പനജി, മര്‍ഗോവ എന്നിവിടങ്ങളില്‍ നിന്നും കാറോ ബൈക്കോ വാടകയ്‌ക്കെടുത്ത് ഇവിടെ എത്തിച്ചേരാം.
