Click it and Unblock the Notifications
അയോധ്യപട്ടിണം ശ്രീ കൊടാണ്ടപണിരാമര് ക്ഷേത്രം അയോധ്യപട്ടിണത്തിലാണ് സ്ഥിതി ചെയ്യുന്നത്. രാമപാദസ്പര്ശമേറ്റ ക്ഷേത്രമായതിനാലാണ് ഈ പേര് കിട്ടിയതെന്നാണ് വിശ്വാസം. ഇതിന്റെ മനോഹരമായ രൂപകല്പനയാല് ശ്രദ്ധേയമാണിത്. ഈ അമ്പലത്തിലെ തൂണുകള്ക്ക് ഒരു പ്രത്യേകതയുണ്ട്. അവയില് മുട്ടിയാല് സംഗീതതുല്ല്യമായ നാദം പൊഴിക്കും. രാമന്റെ ജീവിതവുമായി ബന്ധപ്പെട്ട നിരവധി നിര്മാണങ്ങളും ഇവിടെയുണ്ട്. തിരുമലൈ നായ്ക്കറാണ് ഈ അമ്പലം പണിതത്.
അയോധ്യ സന്ദര്ശിക്കുന്നതിന് തുല്ല്യമാണ് ഈ ക്ഷേത്രം സന്ദര്ശിക്കുന്നത്. സീതയെ രാവണില് നിന്ന് രക്ഷിച്ച യുദ്ധത്തിന് ശേഷം രാമനും സീതയും ലക്ഷ്മണനും ഹനുമാനും വിശ്രമിച്ച സ്ഥലത്താണ് ഈ അമ്പലം പണിതിരിക്കുന്നതെന്നാണ് വിശ്വാസം. അയോധ്യയില് സമയത്ത് എത്താത്തതിനാല് രാമന്റെ കീരീടധാരണം ഇവിടെ വച്ചാണ് നടന്നത്. രാമനവമിയാണ് ക്ഷേത്രത്തില് ആഘോഷിക്കുന്ന പ്രധാന ഉത്സവം. ഇവിടെ പ്രാര്ഥനയര്പ്പിച്ചാല് ഭക്തരുടെ തടസ്സങ്ങള് നീങ്ങിക്കിട്ടുമെന്നാണ് വിശ്വാസം.
