തഞ്ചാവൂര് ജില്ലയിലെ വെപ്പത്തൂരിലാണ് ഈ ക്ഷേത്രം സ്ഥിതിചെയ്യുന്നത്. വിഷ്ണുവിനെയാണ് ഇവിടെ പെരുമാളായി ആരാധിയ്ക്കുന്നത്. എഡി 850ല് പല്ലവന്മാരുടെ കാലത്ത് പണികഴിപ്പിക്കപ്പെട്ട ക്ഷേത്രമാണിതെന്നാണ് കരുതപ്പെടുന്നത്. രാജരാജ ചോളനും കൃഷ്ണദേവരായരും തങ്ങളുടെ ഭരണകാലത്ത് ഈ ക്ഷേത്രം പുതുക്കിപ്പണിതിട്ടുണ്ട്. ഒരു പുരാതന ക്ഷേത്രത്തിന് മുകളിലായിട്ടാണ് പെരുമാള് ക്ഷേത്രം പണിതിരിക്കുനനത്.
മണ്കട്ടകൊണ്ടാണ് ക്ഷേത്രം പണിതിരിക്കുന്നത്. പല്ലവകാലത്തിന് മുമ്പ് സ്ഥിതിചെയ്തിരുന്നുവെന്ന് കരുതപ്പെടുന്ന അപൂര്വ്വം ചില കെട്ടിടങ്ങളില് ഒന്നാണിത്. പ്രമുഖ ആര്ക്കിയോളജിസ്റ്റായ ഡോക്ടര് ടി സത്യമൂര്ത്തി ഈ കെട്ടിടത്തിന്റെ കാലപ്പഴക്കത്തെക്കുറിച്ചും മറ്റും പഠനം നടത്തിയിട്ടുണ്ട്.