Click it and Unblock the Notifications
കൊറൊമാണ്ടല് തീരത്താണ് അതിമനോഹരമായ ഈ ബീച്ച് വിലയിക്കുന്നത്. ഇനിയും കണ്ടെടുക്കാത്ത ചിപ്പിക്കുള്ളിലെ മുത്താണ് ഈ കടല് ത്തീരം എന്ന് വിശേഷിപ്പിക്കുന്നതില് അതിശയോക്തി ഒട്ടുംതന്നെയില്ല. ഇവിടത്തെ കടലലകള് പാടുന്ന പാട്ടിന് സ്വയമറിയാതെ മനസ്സ് താളം പിടിക്കും.
കുറഞ്ഞചിലവില് താമസസൌകര്യം വാഗ്ദാനം ചെയ്യുന്ന ഒരുപാട് പാര്പ്പിടങ്ങള് ഇവിടെയുണ്ട്. ഈ ബീച്ചിലെത്തുന്ന ആരും നിര്ബന്ധമായും സന്ദര്ശിച്ചിരിക്കേണ്ട സ്ഥലമാണ് "ബംഗ്ളൊ ഓണ് ദി ബീച്ച്" അഥവാ കടലോരത്തെ മാളിക. നീംറാണ ഹോട്ടല് ഗ്രൂപ്പിന്റേതാണിത്. ചരിത്രത്തിന്റെ ചൈതന്യം പേറുന്ന ബില് ഡിംങുകള് പൈതൃക ഹോട്ടലുകളാക്കി മാറ്റുന്നതില് പേര്കേട്ടതാണ് ഈ ഗ്രൂപ്പ്. രുചികരമായ കോണ്ടിനെന്റല് വിഭവങ്ങളും സുഖപ്രദമായ താമസവും സന്ദര്ശകര്ക്ക് ഇവിടെ തരപ്പെടും. കാരക്കന് പട്ടണത്തില്
നിന്ന് ഏകദേശം 15 കിലോമീറ്റര് അകലെയാണിത്. ക്രിസ്ത്യന് മിഷണറികള് പല നൂറ്റാണ്ടുകളിലായി പണിത നിരവധി ചര്ച്ചുകള് ഈ ബീച്ചിന് സമീപത്തായി കാണാം.
സന്ദര്ശകരുടെ ഉള്ളം ഉലയ്ക്കുന്നതാണ് ബീച്ചിന്റെ സൌന്ദര്യം. ഉദയാസ്തമയങ്ങള് ക്കും ഓളംതല്ലുന്ന തിരമാലകള് ക്കും മറ്റെങ്ങുമില്ലാത്ത ചാരുത ഇവിടെ അനുഭവപ്പെടും. ശാന്തവും നിര്മ്മലവുമായ അന്തരീക്ഷം വിക്ഷുബ്ധമായ മനസ്സിന് ഒരു തൂവല് സ്പര്ശത്തിന്റെ സുഖം നല്കും.
