എറണാകുളം ഉണ്ടായത് എങ്ങനെയാണെന്ന് അറിയാമോ?

01. തമിഴ് ബന്ധം

തമിഴില്‍ ഇറയനാര്‍ എന്നാല്‍ ശിവന്‍ എന്നാണര്‍ത്ഥം. ഇവിടുത്തെ ക്ഷേത്രം സ്ഥിതി ചെയ്തിരുന്ന സ്ഥലം തമിഴിൽ ഇറയനാൽ കുളം എന്നാ‌ണ് അറിയപ്പെട്ടിരുന്നത്. അങ്ങനെ ഈ സ്ഥലം എറണാകുളമായി.
Photo Courtesy: Dileep Kumar

02. എറണാകുളത്തപ്പൻ

ശിവനാണ് ക്ഷേത്രത്തിലെ പ്രധാന പ്രതിഷ്ഠ. എറണാകുളത്ത് കുടികൊ‌ള്ളുന്ന ശിവനെ വിശ്വാസികൾ എറണാകുളത്തപ്പൻ എന്ന് വിളിക്കാൻ തുടങ്ങി. കേരളത്തിലെ പ്രധാനപ്പെട്ട ശിവക്ഷേത്രങ്ങളിലൊന്നാണ് എറണാകുളത്തപ്പന്‍ ശിവക്ഷേത്രം.
Photo Courtesy: Dileep Kumar

03. കൊ‌ച്ചി മഹാരാജാവിന്റെ ഏഴ് ക്ഷേത്രങ്ങളിൽ ഒന്ന്

കൊച്ചിയിലെ ദർബാർ ഹാൾ മൈതാനത്തിന് സ‌മീപത്തായി സ്ഥിതി ചെയ്യുന്ന ഈ ക്ഷേത്രം കൊച്ചി രാ‌ജാവിന്റെ ഏഴ് ക്ഷേത്രങ്ങളിൽ ഒന്നായിരുന്നു. കൊ‌ച്ചി ദേവസ്വം ബോർഡിന്റെ കീഴിലാണ് ക്ഷേത്രം ഇപ്പോൾ പ്രവർത്തിക്കുന്നത്.
Photo Courtesy: Ssriram mt

04. ക്ഷേത്ര നിർമ്മാണം

എടക്കു‌ന്നി ശങ്കര വാര്യർ എന്ന ആളാണ് ഇപ്പോൾ കാണുന്ന ക്ഷേത്രം ‌നിർമ്മിച്ചത്. 1846ൽ ആണ് ഒരു ഏക്കർ സ്ഥലത്ത് ഈ ക്ഷേത്രം നിർമ്മിച്ചത്. ഏ‌റ്റുമാനൂർ ശിവ ക്ഷേത്രം, കടു‌ത്തു‌രുത്തി ശിവക്ഷേ‌ത്രം, വൈക്കം ക്ഷേത്രം, ചെ‌ങ്ങന്നൂർ മഹാദേവ ക്ഷേത്രം, വട‌ക്കും നാഥ ക്ഷേത്രം എന്നീ ക്ഷേത്രങ്ങൾ പോലെ തന്നെ പ്രശസ്തമാണ് ഈ ശിവ ക്ഷേത്രം.
Photo Courtesy: Ssriram mt

05. ഉത്സവം

ജനുവരി - ഫെബ്രുവരി മാസങ്ങളില്‍ നടക്കുന്ന ക്ഷേത്രോത്സവത്തില്‍ പങ്കെടുക്കാനായി നിരവധി ഭക്തജനങ്ങളാണ് ഇവിടെ എത്തിച്ചേരുന്നത്. കൊടിയേറ്റം എന്നാണ് ഉത്സവാരംഭത്തിന് വിളിക്കുന്ന പേര്. നിരവധി പ്രത്യേക പൂജകളോടെ എട്ട് ദിവസം നീണ്ടുനില്‍ക്കുന്നതാണ് ഇവിടത്തെ ഉത്സവം.
Photo Courtesy: Ssriram mt

06. എത്തിച്ചേരാൻ

നഗരത്തില്‍ത്തന്നെ സ്ഥിതിചെയ്യുന്ന എറണാകുളത്തപ്പന്‍ ക്ഷേത്രത്തിലേക്ക് എത്തിച്ചേരാന്‍ വളരെ എളുപ്പമാണ്.
Photo Courtesy: Ssriram mt

07. ഹനുമാൻ ക്ഷേത്രം

എറണാകുളം ശിവക്ഷേത്ര സമുച്ഛയത്തിലെ ഹനുമാൻ ക്ഷേത്രം. ഉഡുപ്പി മാധവ സമ്പ്രദായ ശൈലിയിൽ ആണ് ഈ ക്ഷേത്രം നിർമ്മിച്ചിരിക്കുന്നത്

Photo Courtesy: Dileep Kumar

08. സുബ്രമണ്യ ക്ഷേത്രം

എറണാകുളം ശിവക്ഷേത്ര സമുച്ഛയത്തിലെ സുബ്രമണ്യ ക്ഷേത്രം . തമിഴ് ദ്രാവിഡ ശൈലിയിൽ ആണ് ഈ ക്ഷേത്രം നിർമ്മിച്ചിരിക്കുന്നത്

Photo Courtesy: Ssriram mt