തുഎന്സാങിലെ നാഗന്മാരുടെ ഇതിഹാസങ്ങളെ കുറിച്ച് അറിയാന് ആഗ്രഹിക്കുന്നവര്ക്ക് ലൊങ്ട്രൊക് ഗ്രാമം അനുയോജ്യമായ പ്രദേശമാണ്. ‘ആറ് കല്ലുകള് ‘ എന്നാണ് ഈ സ്ഥലപ്പേരിന്റെ നേര്ക്ക്നേരെയുള്ള അര്ത്ഥം. ഇവിടെയുള്ള ആറ് ശിലകള് അഥവാ സങ്ടമുകള് തങ്ങളുടെ പുണ്യദേവന്മാരുടെ ജീവചൈതന്യം ഉള്കൊണ്ടവയാണെന്ന് നാഗന്മാര് വിശ്വസിക്കുന്നു.
തുഎന്സാങിലെ ജീവനുള്ള ശിലകള് എന്ന പേരില് ഇന്ന് ഇവ പ്രസിദ്ധമാണ്. സോങ്ലിയാങ്ടി, ചുങ്ലിയാങ്ടി എന്നീ സംസ്കൃതികളുടെ അവശേഷിപ്പുകള് സന്ദര്ശകര്ക്ക് ഇവിടെ കാണാം. ഈ മലമുകളിലൂടെ ആദ്യമായ് നടവഴികള് തെളിച്ച് പര്വ്വതശിഖരങ്ങളെ കാല്കീഴില് അമര്ത്തിയ ആവോ എന്ന ആദിമ ന്നാഗവംശജരുടെ വേരുകള് ഇവിടെ കണ്ടെത്താം. തുഎന്സാങില് നിന്ന് 57 കിലോമീറ്റര് അകലെയാണ് ഈ സ്ഥലം.
ഒരു മഹാകുടുംബം എന്ന നിലയില് ഇവിടെ കഴിഞ്ഞിരുന്ന നാഗന്മാരുടെ ജീവിതത്തെയും കാലഘട്ടത്തെയും കുറിച്ച് ഒരു ക്ഷണിക ദര്ശനവും രൂപവും സന്ദര്ശകര്ക്ക് ഇവിടെ നിന്ന് തീര്ച്ചയായും ലഭിക്കും.