വര്ക്കലയില് നിന്ന് 12 കിലോമീറ്റര് ദൂരെയായി സ്ഥിതി ചെയ്യുന്ന ഒരു ചെറുദ്വീപാണ് പൊന്നും തുരുത്ത് അഥവാ ഗോള്ഡന് ഐലന്റ്. ഈ തുരുത്തിലെ ശിവപാര്വ്വതീ ക്ഷേത്രമാണ്ഇവിടത്തെ പ്രധാന ആകര്ഷണ കേന്ദ്രം. ഒരു നൂറ്റാണ്ട് പഴക്കമുണ്ട് ഈ ക്ഷേത്രത്തിന്. ക്ഷേത്രവക ഭൂമിയാണ് ഈ ദ്വീപ്.പൊന്നുംതുരുത്ത് എന്ന പേര് ഈ ദ്വീപിന് വന്നുകിട്ടിയതിന് പുറകില് ഒരു കഥയുണ്ട്.
തിരുവിതാംകൂറിലെ പട്ടമഹിഷിമാര് ഇടയ്ക്ക് ഈ കോവില് സന്ദര്ശിച്ചിരുന്നു. കോവിലില് പ്രവേശിക്കുന്നതിന് മുമ്പ് അവരുടെ ആഭരണങ്ങള് ഊരി തുരുത്തിന്റെ ഏതെങ്കിലും കോണില് ഒളിച്ചുവെക്കുമായിരുന്നു. ദ്വീപിന് പൊന്നുംതുരുത്തെന്ന പേര് അങ്ങനെ സിദ്ധിച്ചതാണെന്നാണ് ഐതിഹ്യം. 'പൊന്നില് തീര്ത്ത ദ്വീപ്' എന്നാണ് ഈ പേരിന്റെ ഭാഷാര്ത്ഥം. ദ്വീപില് നിറഞ്ഞുനില്ക്കുന്ന തെങ്ങിന്തോപ്പുകള് ഒരുക്കുന്ന പ്രകൃതിഭംഗിയും ക്ഷേത്രത്തിന്റെ പവിത്രതയും സന്ദര്ശകന് ഹൃദ്യമായ അനുഭൂതിയാണ്.