Click it and Unblock the Notifications
കല്പ്പറ്റയില് നിന്നും 21 കിലോമീറ്റര് സഞ്ചരിച്ചാല് വയനാട്ടിലെ പ്രശസ്തമായ ബാണാസുര സാഗര് ഡാമിലെത്താം. കബനി നദിയുടെ കൈവഴിയിലാണ് മനോഹരവും പ്രൗഢവുമായ ബാണാസുര സാഗര് ഡാം സ്ഥിതിചെയ്യുന്നത്. 1979 ല് ആരംഭിച്ച ബാണാസുര സാഗര് പ്രൊജക്ടിന്റെ ഭാഗമായാണ് ബാണാസുര സാഗര് ഡാം പണികഴിപ്പിച്ചത്.
ഇന്ത്യയിലെ ഏറ്റവും വലുതും ഏഷ്യയിലെ രണ്ടാമത്തേതുമായ എര്ത് ഡാമാണ് ബാണാസുര സാഗര് ഡാം. ഇവിടത്തെ ചെറു ദ്വീപുകള് ചുറ്റുമുള്ള മായക്കാഴ്ചകളിലേക്ക് നിങ്ങളെ കൊണ്ടുപോകുന്നു. നിരവധി ആളുകള് പശ്ചിമഘട്ടത്തിലേക്കുളള ട്രക്കിംഗ് ആരംഭിക്കുന്നത് ബാണാസുര സാഗര് ഡാമില്നിന്നാണ്. ഇന്ത്യക്കാരും അല്ലാത്തവരുമായ സഞ്ചാരികള്ക്കിടയില് വളരെ ജനപ്രീതിയുള്ള ഒന്നാണ് ബാണാസുര സാഗര് ഡാം.
