മഞ്ഞ് പുതച്ച ഹിമാലയത്തിന്റെ മടിത്തട്ടില് തിളച്ച വെള്ളമൊഴുകുന്ന അരുവികള് വിസ്മയിപ്പിക്കുന്ന കാഴ്ച തന്നെയാണ്. ഈ അരുവികളിലൊന്നാണ് സൂര്യകുണ്ഡ്. ഇതിലെ ജലത്തിന്റെ ഊഷ്മാവ് 88 ഡിഗ്രി സെന്റിഗ്രേഡാണെന്നാണ് രേഖപ്പെടുത്തിയിട്ടുള്ളത്. ദേവിക്ക് നിവേദിക്കാനുള്ള അരിയും കിഴങ്ങും ഈ വെള്ളത്തിലാണ് വേവിച്ചെടുക്കുന്നത്. ഒരു മസ്ലിന് തുണിയില് പൊതിഞ്ഞ് അരിയും കിഴങ്ങും വെള്ളത്തില് ഇറക്കി വെക്കുന്നു. ഈ നിവേദ്യച്ചോറ് പിന്നീട് ഭക്തര്ക്കിടയില് വിതരണം ചെയ്യുകയാണ് പതിവ്.