കേരളത്തിലെ പഴക്കമേറിയ ക്ഷേത്രങ്ങളില് ഒന്നാണ് പന്തളം മഹാദേവ ക്ഷേത്രം. അച്ചന്കോവില് ആറിന്റെ കരയിലാണ് ഈ ക്ഷേത്രം സ്ഥിതിചെയ്യുന്നത്. അടൂരില് നിന്നും 10 കിലോമീറ്റര് സഞ്ചരിച്ചാല് ഇവിടെയെത്താം. വര്ഷാവര്ഷം നൂറുകണക്കിന് ഭക്തരാണ് ഇവിടെ ദര്ശനത്തിനെത്താറുള്ളത്. ശിവനാണ് ക്ഷേത്രത്തിലെ പ്രധാന ദേവന്. ക്ഷേത്രത്തില് ഗണപതി, മയ-യക്ഷി അമ്മ, അയ്യപ്പന്, നാഗരാജന്, സുബ്രഹ്മണ്യന്, ബ്രഹ്മരക്ഷസ്, രക്ഷസ് തുടങ്ങിയ പ്രതിഷ്ഠകളുമുണ്ട്.
വര്ഷാവര്ഷം ഇവിടെ കെട്ടുകാഴ്ച ഉത്സവം നടക്കാറുണ്ട്, ഈ സമയത്ത് നന്നേ തിരക്കും അനുഭവപ്പെടാറുണ്ട്. നവംബര്-ഡിസംബര് മാസങ്ങളില് പത്തുദിവസം നീണ്ടുനില്ക്കുന്ന ഉത്സവവും ക്ഷേത്രത്തില് നടക്കാറുണ്ട്. കൊടിയേറ്റോടെ തുടങ്ങുന്ന ഉത്സവം ആറാട്ടോടെയാണ് അവസാനിയ്ക്കുന്നത്. ക്ഷേത്രം സ്ഥിതിചെയ്യുന്ന സ്ഥലം മനോഹരമായ കാഴ്ചയാണ്.