Click it and Unblock the Notifications
ബാംഗ്ലൂര് നഗരത്തിന് പുറത്ത് തെക്കുഭാഗത്തായി 21കിലോമീറ്റര് അകലെയാണ് ജീവനകലയുടെ ആചാര്യനെന്നറിയപ്പെടുന്ന ശ്രീ ശ്രീ രവിശങ്കറിന്റെ ആര്ട്ട് ഓഫ് ലിവിംഗ് ഇന്റര്നാഷണല് സെന്റര് പ്രവര്ത്തിക്കുന്നത്. 1981ലാണ് രവിശങ്കര് ഈ കേന്ദ്രം സ്ഥാപിച്ചത്. മാനസികസമ്മര്ദ്ദങ്ങളില്ലാത്ത, അതിക്രമങ്ങളില്ലാത ഒരു സമൂഹത്തെ വാര്ത്തെടുക്കുകയെന്ന ഉദ്ദേശത്തോടെയായിരുന്നു രവിശങ്കര് ഇത് സ്ഥാപിച്ചത്. ഇപ്പോള് 150 രാജ്യങ്ങളിലായി ലക്ഷക്കണക്കിന് ആളുകളാണ് ആര്ട്ട് ഓഫ് ലിവിംഗിന്റെ ഭാഗമാകുന്നത്. യോഗയും ധ്യാനവും ഉള്പ്പെടുത്തിയുള്ള ശില്പശാലകളും മറ്റും നടത്തിയാണ് ഈ സ്ഥാപനം അതിന്റെ സന്ദേശം ജനങ്ങളില് എത്തിക്കുന്നത്. ബാംഗ്ലൂര് സന്ദര്ശനത്തിനെത്തുമ്പോള് ആര്ട്ട് ഓഫ് ലിവിംഗ് കേന്ദ്രത്തിലുമൊന്ന് പോകാം. എന്താണ് ആര്ട്ട് ഓഫ് ലിവിംഗ് എന്നതുള്പ്പെടെയുള്ള പ്രാഥമിക കാര്യങ്ങള് മനസ്സിലാക്കുകയും ചെയ്യാം.
