Click it and Unblock the Notifications
ഒഡീഷയിലെ(ഒറീസ) ഗജപതി ജില്ലയുടെ ഉപവിഭാഗമായ പരലാഖെമുണ്ടിയില് സ്ഥിതി ചെയ്യുന്ന ഹില്സ്റ്റേഷനാണ് മഹേന്ദ്രഗിരി. പശ്ചിമഘട്ടത്തിന്റെ ഭാഗമായ മലനിരകള് സന്ദര്ശിച്ചാല് മനോഹര ദൃശ്യങ്ങള്ക്ക് പുറമെ ശബ്ദവും, സംസ്കാരവും അനുഭവിച്ചറിയാന് കഴിയും. ചരിത്രപരമായും മതപരമായും പ്രാധാന്യമുള്ള ഈ മലനിരകള് രാമായണം, മഹാഭാരതം, പുരാണങ്ങള് എന്നിവയുമായി ബന്ധപ്പെട്ട് കിടക്കുന്നു.
ധ്യാനത്തിനും തപസ്സിനും അനുയോജ്യമായ സ്ഥലമെന്ന രീതിയില് എല്ലാ പുണ്യ ഗ്രന്ഥങ്ങളിലും ഈ പ്രദേശത്തെ കുറിച്ച് പരമാര്ശിക്കുന്നുണ്ട്. നഗരത്തിന്റെ തിരക്കില് നിന്നും ശാന്തമായി ഒരു ദിവസം ചെലവഴിക്കാന് അനുയോജ്യമാണിവിടം. പാണ്ഡവന്മാര് പണികഴിപ്പിച്ചതെന്ന് പറയപ്പെടുന്ന പുരാതന ക്ഷേത്രത്തിന്റെ അവശിഷ്ടങ്ങള് മഹേന്ദ്രഗിരിയില് കാണപ്പെടുന്നുണ്ട്. ഉത്സവ കാലയളവായ ശിവരാത്രിയാണ് മഹേന്ദ്രഗിരി സന്ദര്ശിക്കാന് ഏറ്റവും അനുയോജ്യമായ കാലയളവ്
