വേടന്റെ വേഷത്തിലെത്തിയ ശിവന്‍ അര്‍ജുനനുമായി യുദ്ധം ചെയ്ത സ്ഥലമാണിതെന്നാണ് വിശ്വസിക്കപ്പെടുന്നത്. യുദ്ധത്തില്‍ ജയിച്ച ശിവന്‍ അര്‍ുജനന്റെ വില്ലൊടിച്ചുവെന്നാണ് കഥ. ഇവിടെവച്ചാണ് അര്‍ജ്ജുനന് ശിവന്‍ പാശുപതാസ്ത്രം നല്‍കിയതെന്നും വിശ്വസിക്കപ്പെടുന്നുണ്ട്. എന്തായാലും ഈ ഐതീഹ്യങ്ങളെല്ലാം ഉറങ്ങുന്ന മണ്ണിലാണ് തിരുവെട്കലം പശുപതേശ്വരര്‍ ക്ഷേത്രം സ്ഥിതിചെയ്യുന്നത്.

പശുപതേശ്വരനായിട്ടാണ് ശിവനെ ഇവിടെ ആരാധിച്ചുപോരുന്നത്. കിഴക്കിനഭിമുഖമായിട്ടാണ് ക്ഷേത്രം പണിതിരിക്കുന്നത്. പല ദേവകള്‍ക്കായുള്ള ചെറിയ ചെറിയ ക്ഷേത്രങ്ങള്‍ ഈ സമുച്ചയത്തിലുണ്ട്. സുന്ദരേശ്വര്‍, സിദ്ദിവിനായകര്‍, സോമസ്‌കന്ദ, മഹാലക്ഷ്മി എന്നിവരെല്ലാമാണ് ഇവിടുത്തെ ഉപദേവകള്‍. വൈകാശി മാസത്തില്‍ നടക്കുന്ന ഉത്സവമാണ് ക്ഷേത്രത്തിലെ പ്രധാന ആഘോഷം. ഈ സമയമാണ് ക്ഷേത്രസന്ദര്‍ശനത്തിന് ഏറ്റവും അനുയോജ്യം. ചിദംബരത്തുനിന്നും 3 കിലോമീറ്റര്‍ മാറിയാണ് ഈ ക്ഷേത്രം സ്ഥിതിചെയ്യുന്നത്. അണ്ണാമലൈ യൂണിവേഴ്‌സിറ്റി കാംപസ് ഇതിനടുത്താണ് സ്ഥിതിചെയ്യുന്നത്.