Click it and Unblock the Notifications
ഷാലിമാര് ഗാര്ഡന്റെ ഭാഗമാണ് ഷാഹി സമാധാന് എന്ന രാജകീയ സ്മാരകം. ഒരു കുളവും, ലൈബ്രറിയും, പാര്ക്കും ഇതിന് സമീപത്തായുണ്ട്. കപൂര്ത്തലയിലെ മുന് ഭരണാധികാരികളുടെ ശവകുടീരങ്ങളാണിവിടെയുള്ളത്. മാര്ബിളിലുള്ള വലിയൊരു നിര്മ്മിതി ഖരാക് സിങ്ങ്, ജഗജിത് സിങ്ങ്, പരംജിത് സിങ്ങ് എന്നിവരുടെ സമാധിസ്ഥലമാണ്.
പരമ്പരാഗതമായ നിര്മ്മാണ ശൈലിയും, രാജവംശത്തിന്റെ കുലീനതയും വിളിച്ച് പറയുന്നവയാണ് ഈ ഉദ്യാനവും, സ്മാരകങ്ങളും. ഈ ഉദ്യാനത്തിലാണ് വര്ഷം തോറും ബസന്തപഞ്ചമി ആഘോഷം നടക്കുന്നത്. മഹാരാജാ രഞ്ജിത് സിങ്ങ്, മഹാരാജാ ഫത്തേഹ് സിങ്ങ് എന്നിവര് ആദ്യമായി കണ്ടുമുട്ടിയതെന്ന് കരുതുന്ന പ്രശസ്തമായ ബരധാരി ഇവിടെയാണ് സ്ഥിതി ചെയ്യുന്നത്.
