പതിനേഴാം നൂറ്റാണ്ടില് നഗരം സ്ഥാപിച്ച ഗുരിയ ജിയില് നിന്നുമാണ് ഗുര്ദാസ്പൂര് എന്ന പേര് നഗരത്തിന് ലഭിക്കുന്നത്. പഞ്ചാബിലെ രവി, സത്ലെജ് നദികള്ക്കിടയില് സ്ഥിതി ചെയ്യുന്ന പ്രമുഖ നഗരമാണ് ഇത്. പഞ്ചാബി ഭാഷയാണ് കൂടുതല് ജനങ്ങളും സംസാരിക്കുന്നത്. ഔദ്യോഗിക കാര്യങ്ങള്ക്ക് ഹിന്ദി, ഇംഗ്ലീഷ് ഭാഷകളാണ് ഉപയോഗിക്കുന്നത്. ഗുരുദ്വാരകള്, പഞ്ചാബി നൃത്തരൂപമായ ഭംഗാര, പരമ്പരാഗത പാഗ്രി, പരന്ദ എന്നിവ അടങ്ങിയ പഞ്ചാബി സംസ്കാരം, പഞ്ചാബി ഭക്ഷണം എന്നിവചേരുമ്പോഴാണ് ഗുര്ദാസ്പൂര് വിനോദ സഞ്ചാരം പൂര്ണമാകുന്നത്.
ഗുര്ദാസ്പൂരിലെ വിനോദ സഞ്ചാര കേന്ദ്രങ്ങള്
ദിവസങ്ങളോളം കാണാനുള്ള വൈവിധ്യമാര്ന്ന കാഴ്ചകള് ഗുര്ദാസ്പൂര് വിനോദ സഞ്ചാരം വാഗ്ദാനം ചെയ്യുന്നുണ്ട്. ദേരബാബ നാനക്, ഗുരുദാസ് നങ്കല്, മഹാകലേശ്വര് ക്ഷേത്രം, മധോപൂര് ഷാഹപൂര് കാന്ദി കോട്ട, ഫിഷ് പാര്ക്, ആചലേശ്വര് ക്ഷേത്രം, ഗുരുദ്വാര ചോള സാഹിബ് ,താഡ സാഹിബ് എന്നിവയാണ് ഇവിടുത്തെ പ്രധാന ആകര്ഷണങ്ങള്. അഞ്ചാമത്തെ സിഖ് ഗുരുവായ ശ്രീ ഗുരു അര്ജുന് ദേവ് ജി ഗുരു നാനാക് ദേവ് ജിയുടെ ഭോഗ് വേളയില് ബാബ ധരം ചന്ദ് ജിയുടെ ഗാനങ്ങള് ആലപിച്ചിരുന്ന സ്ഥലമാണ് കീര്ത്തന് ആസ്ഥാന്.
ഡല്ഹൗസി, ധര്മശാല, മക് ലിയോഡ്ഗഞ്ച് തുടങ്ങിയ വിനോദ സഞ്ചാര കേന്ദ്രങ്ങള് ഗുര്ദാസ്പൂരില് നിന്നും 2 മണിക്കൂര് റോഡ് യാത്ര ചെയ്താല് എത്താവുന്ന ദൂരത്തിലാണ് ഈ സ്ഥലങ്ങള്.
ഗുര്ദാസ്പൂരിലെ ആഘോഷങ്ങള്
വിനോദ സഞ്ചാരികളെ ആകര്ഷിക്കുന്നതിന് ഗുര്ദാസ്പൂര് നിരവധി മേളകള് സംഘടിപ്പിക്കുന്നുണ്ട്. ആദ്യ സിഖ് ഗുരുവായ ഗുരു നാനാക്കിന്റെ വിവാഹദിനം ആഘോഷിക്കുന്നതിനായി സംഘടിപ്പിക്കുന്ന മേളയാണ് ഇതില് പ്രധാനം. പണ്ടോരി മഹാന്തനില് ആഘോഷിക്കുന്ന ബൈശാഖി,ലോഹ്രി, ബാബേഹാലിയുടെ ചിന്ജ് മേള, ശിവരാത്രി എന്നിവയാണ് മറ്റ് പ്രധാന ആകര്ഷണങ്ങള്.
എങ്ങനെ എത്തിച്ചേരാം
പഞ്ചാബിലെയും സമീപ സംസ്ഥാനങ്ങളിലെയും നഗരങ്ങളുമായി മികച്ച രീതിയില് ബന്ധപ്പെട്ട് കിടക്കുന്ന ഗുര്ദാസ്പൂരില് എത്തിച്ചേരാന് എളുപ്പമാണ്. ജലന്ധര്, ഡല്ഹൗസി, ബട്ടാല, പട്നിടോപ്, ന്യൂഡല്ഹി തുടങ്ങിയ നഗരങ്ങളില് നിന്ന് ഇവിടേയ്ക്ക് നേരിട്ട് പതിവായി ബസ് ഉണ്ട്.
സന്ദര്ശനത്തിന് അനുയോജ്യമായ കാലയളവ്
ചൂടുള്ള വേനല്ക്കാലം, തണുപ്പുള്ള മഴക്കാലം,തണുത്ത ശൈത്യകാലം എന്നിവയാണ് ഗുര്ദാസ്പൂരിലനുഭവപ്പെടുന്ന കാലാവസ്ഥകള്. മഴക്കാലത്തിന് ശേഷവും ശൈത്യകാലവുമാണ് അതായത് ഒക്ടോബര് മുതല് മാര്ച്ച് വരെയുള്ള മാസങ്ങളാണ് ഗുര്ദാസ്പൂര് സന്ദര്ശിക്കാന് അനുയോജ്യമായ കാലയളവ്.