Click it and Unblock the Notifications
നേരത്തേ മാര്കുല് അല്ളെങ്കില് മാര്ഗുള് എന്നറിയപ്പെട്ടിരുന്ന ഈ സ്ഥലത്തിന്െറ പേര് 1695ല് ചമ്പയിലെ രാജാവായിരുന്ന ഉദയ്സിംഗാണ് ഉദയ്പൂര് എന്നാക്കി മാറ്റിയത്. സമുദ്രനിരപ്പില് നിന്ന് 2523 അടി ഉയരത്തിലാണ് ഉദയ്പൂര് സ്ഥിതി ചെയ്യുന്നത്. കീലോംഗില് നിന്ന് 53 കിലോമീറ്ററാണ് ഇങ്ങോട്ടുള്ള ദൂരം. ചന്ദ്രബാഗാ നദിയുടെ കൈവഴികളിലൊന്നായ മായറിന്െറ ഓരത്താണ് ഈ മനോഹര നഗരം നദി സ്ഥിതി ചെയ്യുന്നത്. മായര് ചന്ദ്രബാഗാ നദിയുമായി കൂടിച്ചേരുന്നതും ഉദയ്പൂരിന്െറ സമീപമാണ്.
നീല പൈന്മരക്കാടുകളാണ് ഉദയ്പൂരിനെ മനോഹരിയാക്കുന്നത്. അക്രോട്ട്, ആപ്രികോട്ട്, ആപ്പിള് എന്നിവ വിളയുന്ന കൃഷിഭൂമികള് സഞ്ചാരികള്ക്ക് വിസ്മയ കാഴ്ചയൊരുക്കുന്നതാണ്. ഉദയ്പൂരിന്െറ ഈ നിശബ്ദം സൗന്ദര്യം ഉള്ളിലുടക്കിയത് കാരണമാകും 1939ല് ഇവിടം സന്ദര്ശിച്ച ജര്മന് കമ്പോസര് ഹെര്മന് ഗോറ്റ്സ് ഉദയ്പൂരിനെ സ്വിസ് മലനിരകളോട് ഉപമിച്ചത്. ത്രിലോക്നാഥ്, മാര്ക്കുള ക്ഷേത്രങ്ങള് സന്ദര്ശിക്കാന് നിരവധി ഭക്തരും എത്താറുണ്ട്.
