Click it and Unblock the Notifications
ഖജുരാഹോയിലെ പ്രധാന ജൈന ക്ഷേത്രങ്ങളിലൊന്നാണ് ആദിനാഥ് ക്ഷേത്രം. പാര്ശ്വനാഥ് ക്ഷേത്രത്തിന്റെ വടക്ക് ഭാഗത്താണിത്. ജൈന സന്യാസിയായിരുന്ന ആദിനാഥിന് സമര്പ്പിക്കപ്പെട്ട ഈ ക്ഷേത്രം നിര്മ്മിച്ചത് പതിനൊന്നാം നൂറ്റാണ്ടില് ചാന്ദേല് രാജവംശമാണ്. സപ്തരഥത്തിന്റെ മാതൃകയിലാണ് ഈ ക്ഷേത്രം നിര്മ്മിച്ചിരിക്കുന്നത്.
ഈ ക്ഷേത്രം അലങ്കരിക്കപ്പെട്ടിരിക്കുന്നത് ഒറ്റത്തൂണില് സ്ഥാപിച്ച ഷിക്കാരകൊണ്ടാണ്. കൊട്ടാരം ഗായകരുടെ രൂപഭാവങ്ങള് ചിത്രീകരിക്കുന്നവയാണ് ഈ ക്ഷേത്രചുമരുകള്. ആദിനാഥിന്റെ രാജസദസ്സിലെ പ്രമുഖ നര്ത്തകിയായിരുന്ന നീലാഞ്ജനയുടെ നൃത്തരംഗങ്ങള് ചിത്രീകരിക്കുന്ന രൂപങ്ങള് ഇവിടുത്തെ ചുമരുകളില് കാണാം.
നായിക, കാമിനി, ഭാമിനി, തുടങ്ങി പല വിഭാഗത്തില് പെട്ട സ്ത്രീകളുടെ ചിത്രീകരണങ്ങള് ഇവിടെ കാണാം. പൗരാണികകാലത്തെ ശില്പകലാചാതുരി സന്ദര്ശകരെ ആശ്ചര്യപ്പെടുത്തുമെന്നതില് സംശയമില്ല.
