Click it and Unblock the Notifications
മഹാത്മാഗാന്ധിയുടെ പേരില് അറിയപ്പെടുന്ന ബീച്ച് മനോഹരമായ ഒരു മണല്പ്പരപ്പാണ്. നഗരഹൃദയത്തില് നിന്ന് രണ്ട് കിലോമീറ്റര് അകലെ കൊച്ചുപുളിമൂടിലാണ് ബീച്ച്. കൊല്ലത്തെ ഏറ്റവും പ്രമുഖമായ ഉല്ലാസകേന്ദ്രങ്ങളില് ഒന്നാണ് കൊല്ലം ബീച്ച്.
ബീച്ചിന് സമീപത്തായി ഒരു പാര്ക്കുണ്ട്. മഹാത്മാഗാന്ധി പാര്ക്ക് എന്നറിയപ്പെടുന്ന ഇവിടെ നടക്കാനും വിശ്രമിക്കാനും അനുയോജ്യമാണ്. സൂര്യസ്നാനം ഏറ്റുകിടക്കുന്ന തീരങ്ങളും തലയുയര്ത്തി നില്ക്കുന്ന തെങ്ങുകളും വെള്ളമണല്ത്തരികളും ചേര്ന്ന് തീര്ക്കുന്ന മനോഹര കാഴ്ച നൂറുകണക്കിന് സഞ്ചാരികളെ ഈ ബീച്ചിലേക്ക് ആകര്ഷിക്കുന്നു. വൈകുന്നേരങ്ങളാണ് ഇവിടം സന്ദര്ശിക്കാന് അനുയോജ്യം. സന്ദര്ശകര്ക്ക് പുതിയൊരു ഊര്ജ്ജം പകരാന് ഈ തീരത്തിന് കഴിയും.
ബീച്ചിലും പരിസരങ്ങളിലും അലയടിക്കുന്ന ശാന്തത ഇവിടമൊരു മികച്ച ഒഴിവുകാല വിനോദ കേന്ദ്രമാക്കുന്നു. ഇവിടെ സുരക്ഷിതമായി കടലില് കുളിക്കുകയും നീന്തുകയും ചെയ്യാം. ഒരു ദിവസത്തെ ക്ഷീണം അകറ്റി പുതിയൊരു ഊര്ജ്ജവുമായി മടങ്ങാന് വൈകുന്നേരം ഈ ബീച്ച് സന്ദര്ശിച്ചാല് മതിയാകും. കുറഞ്ഞ ചെലവില് താമസിക്കാനും ആഹാരം കഴിക്കാനും കഴിയുന്ന നിരവധി ഹോട്ടലുകളും റിസോട്ടുകളും ഇവിടെ പ്രവര്ത്തിക്കുന്നുണ്ട്.
