ഹിമാലയന് മേഖലയിലെ മറ്റുപല ക്ഷേത്രങ്ങളെയും പോലെ ശിവനാണ് ഇവിടത്തെ പ്രതിഷ്ഠ. കുളുവിലെ പ്രശസ്തമായ ഈ ഹൈന്ദവ തീര്ഥാടന കേന്ദ്രം സമുദ്രനിരപ്പില് നിന്ന് 2450 അടി ഉയരത്തിലാണ് സ്ഥിതി ചെയ്യുന്നത്. മണാലിയില് നിന്നും ഇവിടെ എളുപ്പം എത്താനാകും. 60 അടി ഉയരത്തിലുള്ള ക്ഷേത്രം പഹരി മാതൃകയിലാണ് നിര്മിച്ചിരിക്കുന്നതും. വര്ഷങ്ങള്ക്ക് മുമ്പ് ഇടിമിന്നലേറ്റ് പൊട്ടിയതാണ് ഈ ക്ഷേത്രത്തിലെ ശിവലിംഗമെന്നാണ് പ്രാദേശിക വിശ്വാസം.
കഷ്ണങ്ങളായി ചിന്നിചിതറിയ ഈ ശിവലിംഗം ക്ഷേത്രത്തിലെ പൂജാരികള് വെണ്ണ ഉപയോഗിച്ച് ഒട്ടിച്ചുചേര്ത്തുവത്രേ. എല്ലാവര്ഷവും ഇതിന്െറ ഓര്മ പുതുക്കാന് നടക്കുന്ന ഉല്സവമാണ് ക്ഷേത്രത്തിലെ പ്രധാന ചടങ്ങ്. പൈന്മരങ്ങള്ക്കിടയിലൂടെ ദുഷ്കരമായ കുന്നുകയറിയാണ് ക്ഷേത്രത്തില് എത്തേണ്ടത്. മുകളില് ക്ഷേത്രത്തിന് സമീപം ചെല്ലുമ്പോള് ഈ ബുദ്ധിമുട്ടിന് പ്രതിഫലമെന്നവണ്ണം അഴകുവിടര്ത്തി നില്ക്കുന്ന കുളു താഴ്വരയുടെ മനോഹരദൃശ്യം കാണാം.