Click it and Unblock the Notifications
മൈസൂരിലെ ഏറ്റവും മനോഹരമായ പൈതൃക കൊട്ടാരങ്ങളിലൊന്നാണ് ജയലക്ഷ്മി കൊട്ടാരമെന്നറിയപ്പെടുന്ന ജയലക്ഷ്മി വിലാസ് മാന്ഷന്. കുക്കറഹള്ളി തടാകത്തിന് പടിഞ്ഞാറായി മൈസൂര് സര്വ്വകലാശാല ആസ്ഥാനമായ മാനസഗംഗോത്രിക്ക് സമീപത്തായാണ് ഈ സുന്ദരിക്കൊട്ടാരം. മഹാരാജ ചാമരാജ വോഡയാറുടെ മൂത്ത മകളായ ജയലക്ഷ്മി അമ്മാനി കുമാരിയ്ക്കായി കൃഷ്ണരാജവോഡയാര് നാലാമന്റ കാലത്ത് 1905 ലാണ് ഈ കൊട്ടാരം നിര്മിക്കപ്പെട്ടത്.
ഏഴ് ലക്ഷം രൂപയായിരുന്നത്രേ അന്ന് ഇതിന്റെ നിര്മാണചെലവ്. 2002 ല് 1.7 രൂപ ചെലവഴിച്ച് കൊട്ടാരം പുതുക്കിപ്പണിയുകയും 2006 ല് കര്ണാടക ഗവര്ണര് വീണ്ടും ഉദ്ഘാടനം നിര്വഹിക്കുകയും ചെയ്തു. ആറേക്കറിലധികമായി പരന്നുകിടക്കുന്ന ഈ കൊട്ടാരത്തിന് 125 മുറികളുണ്ട്. 300 ജന്നാലകളും മനോഹരമായ കൊത്തുപണികളോടെ 287 വാതിലുകളുമുണ്ട്. മരവും കട്ടകളും കുമ്മായവും ഇരുമ്പുമാണ് കൊട്ടാരം പണികള്ക്കായി ഉപയോഗിച്ചിരിക്കുന്നത്.
