ചെറിയ പെരുന്നാളും വാരാന്ത്യവും.. എട്ടു ട്രെയിനുകൾക്ക് അധിക കോച്ചുമായി റെയിൽവേ, തിരക്കില്ലാതെ പോകാം

വാരാന്ത്യവും അവധി ദിവസങ്ങളും വരികയായി. ചെറിയ പെരുന്നാളും വരുന്ന ആഴ്ചയാണ്. അതുകൊണ്ടുതന്നെ യാത്രകൾക്ക് ആളുകൂടുമെന്നതും ടിക്കറ്റ് കിട്ടാൻ സാധ്യത കുറവാണെന്നുമാണ് ഈ ദിവസങ്ങളിൽ യാത്രക്കാർ നേരിടാൻ പോകുന്ന പ്രധാന പ്രശ്നങ്ങളിലൊന്ന്. വാരാന്ത്യവും പെരുന്നാളും കണക്കാക്കി അവധിയെടുക്കുന്നവർ വെള്ളിയാഴ്ച മുതൽ യാത്രയ്ക്ക് ഒരുങ്ങും. ഇപ്പോഴിതാ, ഈ സീസണിലെ തിരക്ക് പ്രമാണിച്ച് ട്രെയിനുകൾക്ക് അധിക കോച്ചുകൾ ഏർപ്പെടുത്തിയിരിക്കുകയാണ് റെയിൽവേ.

മംഗളൂരു സെൻട്രൽ - തിരുവനന്തപുരം സെൻട്രൽ മലബാർ എക്സ്പ്രസ്, തിരുവനന്തപുരം സെൻട്രൽ - മധുര ജംഗ്ഷൻ അമൃത എക്സ്പ്രസ്, മംഗളൂരു സെൻട്രൽ - തിരുവനന്തപുരം സെൻട്രൽ മലബാർ എക്സ്പ്രസ്, തിരുവനന്തപുരം സെൻട്രൽ - മംഗളൂരു സെൻട്രൽ മലബാർ എക്സ്പ്രസ്, മംഗളൂരു സെൻട്രൽ - തിരുവനന്തപുരം സെൻട്രൽ മാവേലി എക്സ്പ്രസ്, തിരുവനന്തപുരം സെൻട്രൽ - മംഗളൂരു സെൻട്രൽ മാവേലി എക്സ്പ്രസ്, കോഴിക്കോട് - തിരുവനന്തപുരം സെൻട്രൽ ജനശതാബ്ദി എക്സ്പ്രസ്, തിരുവനന്തപുരം സെൻട്രൽ - കോഴിക്കോട് ജനശതാബ്ദി എന്നീ ട്രെയിനുകൾക്കാണ് അധിക കോച്ചുകൾ നല്കിയിട്ടുള്ളത്. ഈ സേവനങ്ങൾ ലഭ്യമാകുന്ന ദിവസവും മറ്റു വിവരങ്ങളും അറിയാം.

1. തിരുവനന്തപുരം - കോഴിക്കോട് ജനശതാബ്ദി

തിരുവനന്തപുരം സെൻട്രലിൽ നിന്ന് പുറപ്പെടുന്ന ട്രെയിൻ നമ്പർ 12076 തിരുവനന്തപുരം സെൻട്രൽ - കോഴിക്കോട് ജനശതാബ്ദി എക്സ്പ്രസിൽ 2025 മാർച്ച് 29 ന് താൽക്കാലികമായി ഒരു അധിക ചെയർ കാർ കോച്ച് നൽകും.

2. കോഴിക്കോട് - തിരുവനന്തപുരം ജനശതാബ്ദി

കോഴിക്കോട് നിന്ന് പുറപ്പെടുന്ന ട്രെയിൻ നമ്പർ 12075 കോഴിക്കോട് - തിരുവനന്തപുരം സെൻട്രൽ ജനശതാബ്ദി എക്സ്പ്രസിൽ 2025 മാർച്ച് 29 ന് താൽക്കാലികമായി ഒരു അധിക ചെയർ കാർ കോച്ച് നൽകും.

3.തിരുവനന്തപുരം - മംഗളൂരു മാവേലി

തിരുവനന്തപുരം സെൻട്രലിൽ നിന്ന് ആരംഭിക്കുന്ന ട്രെയിൻ നമ്പർ 16604 തിരുവനന്തപുരം സെൻട്രൽ - മംഗളൂരു സെൻട്രൽ മാവേലി എക്സ്പ്രസ് യാത്രയ്ക്ക് 2025 മാർച്ച് 28, 29 തീയതികളിൽ ഒരു അധിക സ്ലീപ്പർ ക്ലാസ് കോച്ച് നൽകും.

4. മംഗളൂരു - തിരുവനന്തപുരം മാവേലി

മംഗളൂരു സെൻട്രലിൽ നിന്ന് ആരംഭിക്കുന്ന ട്രെയിൻ നമ്പർ 16603 മംഗളൂരു സെൻട്രൽ - തിരുവനന്തപുരം സെൻട്രൽ മാവേലി എക്സ്പ്രസ് യാത്രയ്ക്ക് ഒരു അധിക സ്ലീപ്പർ ക്ലാസ് കോച്ച് നൽകും. 2025 മാർച്ച് 27, 28 തീയതികളിൽ.

5. തിരുവനന്തപുരം - മംഗളൂരു മലബാർ എക്സ്പ്രസ്

തിരുവനന്തപുരം സെൻട്രലിൽ നിന്ന് ആരംഭിക്കുന്ന ട്രെയിൻ നമ്പർ 16629 തിരുവനന്തപുരം സെൻട്രൽ - മംഗളൂരു സെൻട്രൽ മലബാർ എക്സ്പ്രസ് യാത്രയ്ക്ക് 2025 മാർച്ച് 28, 29 തീയതികളിലും 2025 ഏപ്രിൽ 01, 02 തീയതികളിലും ഒരു അധിക സ്ലീപ്പർ ക്ലാസ് കോച്ച് നൽകും.

6. മംഗളൂരു - തിരുവനന്തപുരം മലബാർ എക്സ്പ്രസ്

മംഗളൂരു സെൻട്രലിൽ നിന്ന് ആരംഭിക്കുന്ന ട്രെയിൻ നമ്പർ 16630 മംഗളൂരു സെൻട്രൽ - തിരുവനന്തപുരം സെൻട്രൽ മലബാർ എക്സ്പ്രസ് യാത്രയ്ക്ക് 2025 മാർച്ച് 27, 28, 31 തീയതികളിലും 2025 ഏപ്രിൽ 01 തീയതികളിലും ഒരു അധിക സ്ലീപ്പർ ക്ലാസ് കോച്ച് നൽകും.

7. തിരുവനന്തപുരം - മധുര അമൃത എക്സ്പ്രസ്

തിരുവനന്തപുരം സെൻട്രൽ - മധുര ജംഗ്ഷൻ അമൃത എക്സ്പ്രസ് യാത്രയ്ക്ക് 2025 മാർച്ച് 28, 29 തീയതികളിൽ ഒരു അധിക സ്ലീപ്പർ ക്ലാസ് കോച്ച് നൽകും.

8. മധുര - തിരുവനന്തപുരം സൻട്രൽ അമൃത എക്സ്പ്രസ്

2025 മാർച്ച് 29, 30 തീയതികളിൽ മധുര ജംഗ്ഷനിൽ നിന്ന് ആരംഭിക്കുന്ന ട്രെയിൻ നമ്പർ 16344 മധുര ജംഗ്ഷൻ - തിരുവനന്തപുരം സെൻട്രൽ അമൃത എക്സ്പ്രസ് യാത്രയിൽ ഒരു അധിക സ്ലീപ്പർ ക്ലാസ് കോച്ച് നൽകും.