Click it and Unblock the Notifications
നീലഗിരി ശൃംഗലയിലെ ഏറ്റവും ഉയരം കൂടിയ കൊടുമുടിയാണിത്. ദോഡ്പേട്ട എന്നത് കന്നഡ ഭാഷാ പദമാണ്. വലിയ പര്വ്വതം എന്നാണിതിനര്ത്ഥം. 8650 അടി ഉയരത്തില് നീണ്ടുനില്ക്കുന്ന ഈ കൊടുമുടി ഊട്ടിപട്ടണത്തില് നിന്ന് 9 കിലോമീറ്റര് അകലെയാണ്. ഊട്ടി - കോട്ടഗിരി റോഡ് വഴി ഇവിടെ എളുപ്പത്തില് എത്തിച്ചേരാം.
ഈ കൊടുമുടിയില് നിന്നാല് ഛാമുണ്ഡി ഹില് വ്യക്തമായി കാണാം. കൂടാതെ ഉദഗമണ്ഡലത്തിനടുത്തുള്ള കുല്ക്കുടി, കട്ടദാദു, ഹെക്കുബ എന്നീ പര്വ്വത ശിഖരങ്ങളും കാണാം. നിരപ്പായ ഒരു ചെരുവാണ് ദോഡപ്പെട്ട എന്നതാണ് മറ്റു കൊടുമുടികളില് നിന്ന് ഇതിനെ വിശിഷ്ടമാക്കുന്നത്.
ടൂറിസ്റ്റ് സീസണായ ഏപ്രില് - മെയ് മാസങ്ങളില് ദിവസവും ഏകദേശം 3500 ഓളം സഞ്ചാരികളാണ് ഈ സ്ഥലം സന്ദര്ശിക്കുന്നത്. മലയുടെ മുകളില് വനംവകുപ്പ് അധികൃതര് രണ്ട് ടെലസ്കോപ്പുകള് സ്ഥാപിച്ചിട്ടുണ്ട്. താഴ്വരയുടെ മനോഹാരിത ഒന്നാകെ ഒട്ടും ചോരാതെ ഇതിലൂടെ ഒപ്പിയെടുക്കാം.
