ജാര്ഖണ്ഡിലെ ചോതങ്കപൂര് പ്രദേശത്താണ് ബെറ്റ്ല നാഷണല് പാര്ക്ക് സ്ഥിതി ചെയ്യുന്നത്. ഇന്ത്യയിലെ തന്നെ ഏറ്റവും പഴക്കം ചെന്ന വന്യജീവിസങ്കേതങ്ങളിലൊന്നാണിത്. വൈവിധ്യപൂര്ണ്ണായ സസ്യ- ജീവജാലങ്ങളുടെ ഒരു സങ്കേതമാണിവിടം.
ടൈഗര് നൗ എന്ന പ്രൊജക്ടില് ഉള്പ്പെടുന്ന ഒമ്പത് കടുവ സംരക്ഷണ കേന്ദ്രങ്ങളിലൊന്നാണിത്. മഴക്കാലങ്ങളില് ആനക്കൂട്ടങ്ങളെ ഇവിടെ കാണാം. പുലി, മാന്, കരടി, മയില്, നില്ഗായ് തുടങ്ങിയ ജീവികള് ഇവിടെയുണ്ട്. ഈ ഇടതൂര്ന്ന വനത്തിലൂടെയാണ് കോയല്, ബുര്ഹ നദികള് ഒഴുകുന്നത്. പക്ഷി നിരീക്ഷകര്ക്കും ഏറെ താല്പര്യമുള്ള ഒരു പ്രദേശമാണിത്. പതിനാറാം നൂറ്റാണ്ടില് നിര്മ്മിച്ച ബെറ്റ്ല കോട്ടയും, മറ്റ് ചില സ്മാരകങ്ങളും ഈ പാര്ക്കിനുള്ളിലുണ്ട്.
വര്ഷം മുഴുവനും പലാമുവില് സഞ്ചാരികളെത്തുന്നു. വന്യജീവി ഫോട്ടോഗ്രാഫിക്ക് യോജിച്ച ഇവിടെ വനത്തിനുള്ളില് നിരവധി വാച്ച് ടവറുകളുമുണ്ട്. സഫാരികളും, ജീപ്പുകളും വനയാത്രക്ക് ഉപയോഗിക്കുന്നു. പാര്ക്കിനോട് ചേര്ന്ന് തന്നെ ടൂറിസ്റ്റ് ബംഗ്ലാവുകളും, ഹോട്ടലുകളുമുണ്ട്.