വ്യത്യസ്തകളുള്ള കാഴ്ചകളാണ് ഗുജറാത്തിലേത്. ചരിത്രപരമായ പ്രാധാന്യത്തിനൊപ്പം തന്നെ ഭൂമശാസ്ത്രപരമായ പ്രത്യേകതകളും സാംസ്കാരികമായ വ്യത്യസ്തതകളും ഗുജറാത്തിനെ ഇന്ത്യുടെ ടൂറിസം ഭൂപടത്തില് പ്രധാനപ്പെട്ട സംസ്ഥാനമാക്കി മാറ്റുന്നു. ഗുജറാത്തിലെ പ്രധാനപ്പെട്ട ടൂറിസ്റ്റ് ആകര്ഷണ കേന്ദ്രങ്ങളില് ഒന്നാണ് പലന്പൂര്. രാജ പ്രഹ്ലാദന് ഉണ്ടാക്കിയെടുത്ത സ്ഥലമാണിത്. ഇപ്പോള് ഈ സ്ഥലം ബനസ്കന്ദ ജില്ലിയുടെ കേന്ദ്രമാണ്. ഒരുകാലത്ത് പ്രിന്സ്ലി എസ്റ്റേറ്റ് എന്നു പേരുകേട്ടസ്ഥലമായിരുന്നു ഇത്. ബ്രിട്ടീഷ് ഭരണകാലത്ത് ലോഹാനി അഫ്ഗാന് രാജാക്കന്മാരുടെ ഭരണത്തിന്കീഴിലാണ് പലന്പൂര് അതിന്റെ സുവര്ണകാലഘട്ടം അനുഭവിച്ചത്.
ഒരു വശത്ത് ആരവല്ലി പര്വ്വതനിരകളും മറ്റൊരഭാഗത്ത് സബര്മ്മതി നദിയും അതിരിടുന്ന സ്ഥലമാണിത്. ഏഴ് കവാടങ്ങളുള്ള വലിയൊരു കോട്ടയുടെ അവശിഷ്ടങ്ങള് ഇപ്പോഴും പലന്പൂര് നഗരത്തില് കാണാം. ഷിംല ഗേറ്റ്, ദില്ലി ഗേറ്റ്, മീര ഗേറ്റ്, ഗതാമന് ഗേറ്റ് എന്നിങ്ങനെയുള്ള പേരുകളിലാണ് കോട്ടയുടെ കവാടങ്ങള് അറിയപ്പെട്ടിരുന്നത്. കീര്ത്തിസ്തംഭ്, ജൊരവാര് പാലസ്, ദി ബാലരാം പാലസ് എന്നിവയെല്ലാമാണ് പലന്പൂരിലെ പ്രധാനപ്പെട്ട ചരിത്രപ്രാധാന്യമുള്ള കെട്ടിടങ്ങള്. ഒട്ടേറെ ഹൈന്ദവ ക്ഷേത്രങ്ങളും ജൈനക്ഷേത്രങ്ങളും ഇവിടെ സ്ഥിതിചെയ്യുന്നുണ്ട്. പല്ലവിയ പാര്ശ്വനാഥ് ക്ഷേത്രമാണ് ഇതിലൊന്ന്. രാജാവ് പ്രഹ്ലാദന് നിര്മ്മിച്ച ക്ഷേത്രമാണിത്. ജൈനക്ഷേത്രങ്ങളില് ഏറ്റവും പ്രധാനപ്പെട്ടത് നാനു ദേരാസര് ആണ്. അംബാജി ക്ഷേത്രം, കേദാര്നാഥ് മഹാദേവ് ക്ഷേത്രം, ബലരാം മഹാദേവ് ക്ഷേത്രം എന്നിവയാണ് ഹൈന്ദവക്ഷേത്രങ്ങളില് പ്രധാനപ്പെട്ടവ.