തമിഴ്നാട്ടിലെ രാമനാഥപുരം ജില്ലയില് സ്ഥിതി ചെയ്യുന്ന ഒരു ശിവ ക്ഷേത്രമാണ് ഉതിരകോസമംഗൈ. വര്ഷം തോറും ആയിരക്കണക്കിന് ശിവഭക്തര് ഈ ക്ഷേത്രം സന്ദര്ശിക്കുന്നു. മാണിക്കവാസകറുടെ മന്ത്രത്തില് ഈ ക്ഷേത്രത്തെ കുറിച്ച് പരാമര്ശമുണ്ട്. പരമക്കുടിയില് നിന്നും രാമനാഥപുരത്തു നിന്നും ഉതിരകോസമംഗൈയില് എത്താവുന്നതാണ്.
സേതുമാധവ തീര്ത്ഥം, ലക്ഷ്മണ തീര്ത്ഥം, രാമനാഥപുരം എന്നിവ പോലെ പ്രധാനമാണ് ഈ ക്ഷേത്രവും. അതുകൊണ്ട് തന്നെ രാജ്യത്തിന്റെ വിവിധ ഭാഗങ്ങളില് നിന്ന് വിശ്വാസികള് ഇവിടെ എത്തി പ്രാര്ത്ഥന നടത്തുന്നു. വളരെ പഴക്കമുള്ള ഒരു നടരാജ വിഗ്രഹം ഇവിടെ കാണാം. മരതകത്തില് കൊത്തിയെടുത്തതെന്ന സവിശേഷതയും ഈ വിഗ്രഹത്തിനുണ്ട്. എല്ലാ വര്ഷവും ഡിസംബര് മാസത്തില് ഇവിടെ അരുദ്ര ഉത്സവം നടക്കുന്നു. ഈ സമയമാണ് ശിവഭക്തന്മാര് ഇവിടം സന്ദര്ശിക്കാനും ഭഗവാന്റെ അനുഗ്രഹം തേടാനും കൂടുതലായും തിരഞ്ഞെടുക്കുന്നത്. ഉത്സവം കാണാനും ആഘോഷങ്ങളില് പങ്കുചേരാനുമായി വിനോദസഞ്ചാരികളും ഡിസംബറില് ഇവിടെ എത്താറുണ്ട്.