ദേവദാരു വനത്താല് ചുറ്റപ്പെട്ടിരിക്കുന്ന ബിന്സാര് മാഹാദേവ ക്ഷേത്രം റാണിഖേത്തില് നിന്നും 15 കിലോമീറ്റര് അകലെ ആണ്. സമുദ്ര നിരപ്പില് നിന്നും 2,480 മീറ്റര് ഉയരത്തില് സ്ഥിതിചെയ്യുന്ന ഈ ക്ഷേത്രത്തില് ശിവനെയാണ് ആരാധിക്കുന്നത്. പത്താം നൂറ്റാണ്ടില് പണികഴിപ്പിച്ച ഈ ക്ഷേത്രത്തിന്റെ നിര്മാണം ഒറ്റ ദിവസം കൊണ്ട് പൂര്ത്തിയാക്കിയതായാണ് വിശ്വാസം. വൈകുണ്ഠ ചതുര്ദശി നാളില് കുട്ടികള്ക്കായി നിരവധി സ്ത്രീകള് ഈ ക്ഷേത്രത്തിലെത്തി വിളക്കു വച്ച് പ്രാര്തിഥിക്കുന്നത് പതിവാണ്.
മഹിഷ മര്ദ്ദിനി, ഗൗരി, ഗണപതി തുടങ്ങി നിരവധി പ്രതിഷ്ഠകള് ഈ ക്ഷേത്രത്തോട് ചേര്ന്നുണ്ട്. വളരെ മനോഹരമാണ് ക്ഷേത്രത്തിന്റെ രൂപകല്പന. മഹിഷ മര്ദ്ദിനിയുടെ വിഗ്രഹത്തില് നാഗിരി ലിപിയില് ഉള്ള ശിലലിഖിതങ്ങള് കാണാം. ഈ ക്ഷേത്രം ബിന്ഡേശ്വര് ക്ഷേത്രം എന്നും അറിയപ്പെടുന്നുണ്ട്. പിതു രാജാവ് അദ്ദേഹത്തിന്റെ അച്ഛന് ബിന്ഡുവിന്റെ ഓര്മയ്ക്കായി പണി കഴിപ്പിച്ച ക്ഷേത്രമാണിത് .