സോളാപ്പൂരില് നിന്നും 45 കിലോമീറ്റര് അകലത്തിലാണ് നാല്ദുര്ഗ് കോട്ട. ഇത് ഇവിടുത്തെ ഒരു പ്രധാന ചരിത്രസ്മാരകമാണ്. യഥാര്ത്ഥത്തില് ഇത് ഒസ്മാനാബാദ് ജില്ലയിലാണ് സ്ഥിതിചെയ്യുന്നത്. എങ്കിലും സോളാപ്പൂരില് നിന്നും വളരെ അടുത്താണിത്. യെരാള് എന്നായിരുന്നു ഈ കോട്ടയുടെ മുമ്പത്തെ പേര്. ആദ്യകാലത്ത് ഇത് ബഹ്മാനി രാജാക്കന്മാരുടെ അധീനതയിലായിരുന്നു. പിന്നീട് കോട്ട മുഗളന്മാര് പിടിച്ചടക്കി. ഇന്തോ-ഇസ്ലാമിക് ശൈലിയില് പണികഴിപ്പിച്ച കോട്ട ഒരു അത്ഭുതം തന്നെയാണ്. മഹാരാഷ്ട്രയില് ഒട്ടേറെ കോട്ടകളും കൊത്തളങ്ങളുമുണ്ടെങ്കിലും ഇതിന്റെ രൂപവും നിര്മ്മാണശൈലിയും തീര്ത്തും വ്യത്യസ്തമാണ്.പരിസരത്തുള്ള വെള്ളച്ചാട്ടങ്ങളുടെ പേരിലാണ് ഈ കോട്ട ടൂറിസം മാപ്പില് ഏറെ പ്രാധാന്യം നേടിയത്. നാര്, മാഡി എന്നീ പേരുകളിലുള്ള രണ്ട് വെള്ളച്ചാട്ടങ്ങളാണ് ഇവിടെയുള്ളത്. സ്ത്രീയെന്നും പുരുഷനെന്നുമാണ് നാര്, മാഡി എന്നീ വാക്കുകളുടെ അര്ത്ഥം. മഴക്കാലത്ത് ഈ വെള്ളച്ചാട്ടങ്ങളുടെ കാഴ്ച മനോഹരമാണ്.