സോണ്ടയെന്ന ചെറുപട്ടണത്തിലെ ഏറ്റവും പ്രധാനപ്പെട്ട ആകര്ഷണമാണ് ത്രിവിക്രമ ക്ഷേത്രം. അരസപ്പ നായക്കരിലെ രാമ ത്രിവിക്രമ ദേവരുവാണ് ഈ ക്ഷേത്രം പണികഴിപ്പിച്ചത് എന്നാണ് വിശ്വാസം. ഭൂതരാജ ആണ് ഇവിടത്തെ മൂര്ത്തി. തെക്കോട്ടുള്ള യാത്രയില് ഇദ്ദേഹം കുറെ ദുഷ്ടശക്തികളുമായി എതിരിട്ടു എന്നും ഒടുവില് രഥത്തിന്റെ ചക്രം ഊരിയെടുത്ത് അവയെ വധിച്ചു എന്നുമാണ് ഐതിഹ്യം.
ഇപ്പോഴും മൂന്ന് ചക്രങ്ങളോട് കൂടിയ ഒരു രഥം സഞ്ചാരികള്ക്ക് ഈ ക്ഷേത്രത്തില് കാണാം. ശ്രീകോവിലില് ത്രിവിക്രമന് കുടിയിരിക്കുന്നു. ത്രിവിക്രമന്റെ സഹധര്മിണിയായ ശ്രീ മഹാലക്ഷ്മിയെയും രഥത്തിനുള്ളില് കാണാന് സാധിക്കും. അരസപ്പ നായക്ക് ഈ ഭൂമി അനുവദിച്ചതിന്റെയും മറ്റ് ബന്ധപ്പെട്ട കാര്യങ്ങളുടെയും വിവരങ്ങള് രേഖപ്പെടുത്തിയ ശിലാലിഖിതങ്ങള് സമീപത്തായി കാണാന് സാധിക്കും.