ഷ്രൈന്‍ ബസിലിക്ക ഓഫ് ഔര്‍ ലേഡി ഓഫ് സ്‌നോ  എന്ന പേരിലും ഈ പള്ളി അറിയപ്പെടുന്നുണ്ട്. 1542ല്‍ ഈ സ്ഥലത്ത് ഫ്രാന്‍സിസ് പുണ്യാളന്‍ സന്ദര്‍ശനം നടത്തിയിരുന്നുവെന്ന് വിശ്വസിക്കപ്പെടുന്നു. പിന്നീട് 1711ല്‍ പോര്‍ച്ചുഗീസുകാര്‍ ഇവിടെയൊരു പള്ളി പണിയുകയായിരുന്നു. മാതാവിന് സമര്‍പ്പിക്കപ്പെട്ടതായിരുന്നു ഈ പള്ളി. ഈ പള്ളിയില്‍ സ്ഥാപിയ്ക്കാനുള്ള കന്യാമറിയത്തിന്റെ പ്രതിമ 1555ല്‍ സാന്റലീനയെന്ന കപ്പലിലാണ് തൂത്തുക്കുടിയില്‍ എത്തിച്ചതെന്ന് ചരിത്രം പറയുന്നു. 1982ല്‍ ഈ പള്ളി ബസിലിക്കയായി ഉയര്‍ത്തപ്പെട്ടു. ഓഗസ്റ്റ് പതിനഞ്ചിന് നടക്കുന്ന വാര്‍ഷിക പെരുന്നാളിനോടനുബന്ധിച്ച് ഇവിടെ ആയിരങ്ങള്‍ ആരാധനയ്ക്കായി എത്താറുണ്ട്.