മാനന്തവാടി- തിരുവനന്തപുരം റൂട്ടിൽ മിന്നൽ സ്പെഷ്യൽ സർവീസ്, നാട്ടിലെത്താൻ വേറെ വഴി നോക്കേണ്ട..സീറ്റും ഇഷ്ടംപോലെ

വാരാന്ത്യ യാത്രകൾക്ക് എല്ലാവരും ഒരുങ്ങിക്കഴിഞ്ഞു. എല്ലാവരും നാട് പിടിക്കുവാനുള്ള ഓട്ടത്തിലാണ്. വീട്ടില്‍ നിന്നും ദൂരെ ജോലി ചെയ്യേണ്ടി വരുന്നവരും പഠിക്കുന്നവരും കാത്തിരിക്കുന്ന വെള്ളിയാഴ്ചകളിൽ ദീർഘദൂര ബസുകളിൽ ടിക്കറ്റ് കിട്ടുക എന്നത് എളുപ്പമല്ല. ഇപ്പോഴിതാ, ഈ തിരക്ക് പരിഗണിച്ച് അധിക സർവീസ് ഒരുക്കുകയാണ് കെഎസ്ആർടിസി.

ഇപ്പോഴിതാ, നിരവധി യാത്രക്കാർ ആശ്രിക്കുന്ന മാനന്തവാടി- തിരുവനന്തപുരം റൂട്ടിൽ വാരാന്ത്യത്തിൽ അധിക ബസ് സർവീസുകൾ പ്രഖ്യാപിച്ചിരിക്കുകയാണ് കെഎസ്ആർടിസി. ഏറ്റവും എളുപ്പത്തിലും വേഗത്തിലും കുറഞ്ഞ സമയത്തിലും മാനന്തവാടി- തിരുവനന്തപുരം യാത്ര സാധ്യമാക്കുന്ന മിന്നൽ സ്പെഷ്യൽ സൂപ്പർ ഡീലക്സ് ബസിൽ ബുക്കിങ് തുടരുകയാണ്.

മാനന്തവാടി- തിരുവനന്തപുരം മിന്നൽ സ്പെഷ്യൽ

ജനുവരി 10 വെള്ളിയാഴ്ച രാത്രി 08.31 ന് പുറപ്പെടുന്ന മാനന്തവാടി - തിരുവനന്തപുരം കെ എസ് ആർ ടി സി മിന്നൽ സ്പെഷ്യൽ രാവിലെ
05:41 ന് തിരുവനന്തപുരത്ത് എത്തും. 9 മണിക്കൂർ 10 മിനിറ്റാണ് യാത്രാ സമയം. ടിക്കറ്റ് നിരക്ക് 651 രൂപ. കൽപറ്റ - താമരശ്ശേരി - അരീക്കോട് - മഞ്ചേരി - പെരിന്തൽമണ്ണ - തൃശൂർ - കോട്ടയം - കൊട്ടാരക്കര വഴിയാണ് യാത്ര.

08:31 PM മാനന്തവാടി
09:06 PM കൽപ്പറ്റ
09:51 PM താമരശ്ശേരി
10.15 PM അരീക്കോട് (റിക്വസ്റ്റ് സ്റ്റോപ്പ്)
10:35 PM മഞ്ചേരി (റിക്വസ്റ്റ് സ്റ്റോപ്പ്)
11:00 PM പെരിന്തൽമണ്ണ
12:16 AM തൃശൂർ
01:51 AM മൂവാറ്റുപുഴ
02:51 AM കോട്ടയം
04.26 AM കൊട്ടാരക്കര
05:41 AM തിരുവനന്തപുരം

മാനന്തവാടി - തിരുവനന്തപുരം മിന്നൽ സ്പെഷ്യൽ

ജനുവരി 11 ശനിയാഴ്ച വൈകിട്ട് 06.30 ന് തിരുവനന്തപുരത്ത് നിന്ന് മാനന്തവാടിയിലേക്ക് പുറപ്പെടുന്ന
മാനന്തവാടി - തിരുവനന്തപുരം കെ എസ് ആർ ടി സി മിന്നൽ സ്പെഷ്യൽ പിറ്റേന്ന് പുലർച്ചെ 3:40 ന് മാനന്തവാടി എത്തും. കോട്ടയം -തൃശൂർ -പെരിന്തൽമണ്ണ വഴി യാണ് യാത്ര.

06:30 PM തിരുവനന്തപുരം
07:45 PM കൊട്ടാരക്കര
09:20 PM കോട്ടയം
10:20 PM മൂവാറ്റുപുഴ
11:55 PM തൃശ്ശൂർ
01:10 AM പെരിന്തൽമണ്ണ
01:35 AM മഞ്ചേരി (റിക്വസ്റ്റ് സ്റ്റോപ്പ്)
01:50 AM അരീക്കോട് (റിക്വസ്റ്റ് സ്റ്റോപ്പ്)
02.20 AM താമരശ്ശേരി
03:05 AM കൽപ്പറ്റ
03:40 AM മാനന്തവാടി
റിക്വസ്റ്റ് സ്റ്റോപ്പുകളായ അരീക്കോട്, മഞ്ചേരി എന്നിവിടങ്ങളലി്‍ നിന്ന് കയറാൻ ആഗ്രഹിക്കുന്നവർ താമരശ്ശേരി ബുക്കിംഗ് പോയിന്റ് നൽകി വേണം സീറ്റ് ബുക്ക് ചെയ്യണം