Click it and Unblock the Notifications
ഉത്തരകാശിയ്ക്ക് 32 കിലോമീറ്റര് അകലെയുള്ള മനോഹരമായ ഒരു തടാകമാണ് നാചിക്കേട്ട താല്.ഓക്കുമരങ്ങളും പൈന്മരങ്ങളും മനോഹരമായ പൂക്കളുള്ള കുറ്റച്ചെടികളും നിറഞ്ഞ തീരം തടാകത്തിന്റെ ഭംഗി പതിന്മടങ്ങാക്കുന്നു. മുനിവര്യനായിരുന്ന ഉദ്ദലാക്കിന്റെ മകന് നാചിക്കേട്ടയാണ് ഈ തടാകം നിര്മ്മിച്ചത് എന്നാണ് വിശ്വാസം.
ഉത്തരകാശിയില് നിന്നും 29 കിലോമീറ്റര് അകലെയുള്ള ചൌരംഗി ഖാലിലെത്തി അവിടെനിന്നും 3 കിലോമീറ്റര് നടന്ന് സഞ്ചാരികള്ക്ക് നാചിക്കേട്ട താല് തടാകതീരത്തെത്താം.തടാകതീരത്ത് താമസസൌകര്യമില്ലാത്തതിനാല് നാചിക്കേട്ട താലിലെത്തുന്നവര് ചൌരംഗി ഖാലിലോ ഉത്തരകാശിയിലോ തങ്ങേണ്ടി വരും.
