വെല്ലൂര് കോട്ടയ്ക്ക് സമീപത്തെ പ്രധാന ആകര്ഷണമാണ് സ്റ്റേറ്റ് ഗവണ്മെന്റ് മ്യൂസിയം. ലക്ഷ്മണസ്വാമി ടൗണിലാണ് ഇത് സ്ഥിതിചെയ്യുന്നത്. 1985 ലാണ് ഇത് പൊതുജനങ്ങള്ക്കായി തുറന്നുകൊടുത്തത്. എട്ട് പ്രധാനപ്പെട്ട ഗാലറികളാണ് ഈ മ്യൂസിയത്തിന്റെ പ്രധാന ആകര്ഷണങ്ങള്. ആനക്കൊമ്പുകള് കൊണ്ട് ഉണ്ടാക്കിയ ചെസ് ബോര്ഡ്, വിക്രമരാജസിംഹന്റെ കാലത്ത് ഉപയോഗിച്ചിരുന്ന നാണയങ്ങള്, പ്രത്യേകതരം വാളുകള് തുടങ്ങിയവ ഇവിടെ പ്രദര്ശിപ്പിച്ചിരിക്കുന്നു. പല്ലവരാജാക്കന്മാരുടെ കാലം മുതല് വിജയനഗര രാജാക്കന്മാരുടെ കാലം വരെയുള്ള ശിലാന്യാസങ്ങള് ഇവിടെ പ്രദര്ശിപ്പിച്ചിരിക്കുന്നു. രാവിലെ 9 മുതല് 12 മണിവരെയും വൈകുന്നേരം 2 മുതല് 5 മണിവരെയും മ്യൂസിയത്തിനകത്ത് പ്രവേശിക്കാം.