ഇന്ത്യയിലെ പുണ്യനദികളില് ഒന്നായ യമുനയുടെ ഉത്ഭവം ഉത്തരാഖണ്ഡിലെ ഹിമാലയത്തിലെ ബന്ദേര്പൂച്ചിന്റെ ചെരുവിലായി 6,387 മീറ്റര് ഉയരത്തിലുള്ള യമുനോത്രിയില് നിന്നാണ്. ഇവിടെ നിന്നും വൃന്ദാവന് , മഥുര വഴി ഡല്ഹിയിലേക്ക് തെക്കോട്ടാണ് നദി ഒഴുകുന്നത്.
വൃന്ദാവനത്തിലെ കേശീഘട്ടിന് സമീപമുള്ള നദീ ഭാഗം വളരെ പവിത്രമാണന്നാണ് കണക്കാക്കപ്പെടുന്നത്. കേശി എന്ന് അസുരനെ വധിച്ചതിനെ ശേഷം ശ്രീകൃഷ്ണന് കുളിച്ചത് ഇവിടെയാണന്നാണ് വിശ്വാസം. ഈ സ്ഥലത്ത് മുങ്ങുന്നതിലൂടെ തങ്ങളുടെ അതുവരെയുള്ള പാപങ്ങള് ഇല്ലാതാകുമെന്നാണ് ഹിന്ദുക്കളുടെ വിശ്വാസം. നിരവധി ഘട്ടുകള് അഥവ കല്പടവുകള് ഇവിടെയുണ്ട്. ഈ ഘട്ടുകളിലാണ് രാവിലെയും വൈകുന്നേരങ്ങളിലും ആരതി ഉള്പ്പടെ നിരവധി ആചാരങ്ങള് നടക്കുന്നത്.