വൃന്ദാവനത്തിലെ മറ്റൊരു പ്രധാന ക്ഷേത്രമാണ് ഗോപേശ്വര മഹാദേവ ക്ഷേത്രം. ഭഗവാന്കൃഷ്ണനുമായി വളരെ ബന്ധപ്പെട്ടു കിടക്കുന്ന നഗരത്തിലെ അപൂര്വം ചില ശിവക്ഷേത്രങ്ങളില് ഒന്നാണിത്. ഈ ക്ഷേത്രവുമായി ബന്ധപ്പെട്ട് ഒരു ഐതീഹ്യമുണ്ട്. ഒരിക്കല് കൃഷ്ണനും ഗോപികമാരുമായുള്ള രാസലീലകള് കാണാന് ശിവന് ആഗ്രഹം തോന്നി.
എന്നാല്, രാസലീലകള് നടക്കുന്ന സ്ഥലത്തേയ്ക്ക് പുരുഷനായതിനാല് അദ്ദേഹത്തിന് പ്രവേശനം ഇല്ലായിരുന്നു. അതിനാല് സ്ത്രീരൂപത്തില് ശിവന് അവിടെയെത്തി എന്നാണ് പറയപ്പെടുന്നത്. ഇതിന്റെ ഫലമായി ഈ ക്ഷേത്രത്തിലെ ശിവലിംഗം സ്ത്രീവേഷത്താലാണ് ഇപ്പോഴും അലങ്കരിക്കുന്നത്.