വോഖ നഗരത്തിന്‍റെ ഹൃദയഭാഗത്ത് സ്ഥിതി ചെയ്യുന്ന വാട്ടര്‍ പൂള്‍ എത്സുചിക എന്ന പേരിലും അറിയപ്പെടുന്നു. നഗരത്തിന് ഭംഗി പകരുന്നതിനൊപ്പം ജനങ്ങളുടെ ജീവിതത്തിനാവശ്യമായ വെള്ളം ലഭിക്കുന്നതും ഇവിടെ നിന്നാണ്. ബ്രിട്ടീഷ് ആധിപത്യത്തിന്‍റെ കാലം മുതലേ ഈ കുളം പ്രശസ്തമാണ്. വോഖയിലെ ഭരണകാലത്ത് ബ്രിട്ടീഷുകാര്‍ വെള്ളം എടുത്തിരുന്നത് ഇവിടെ നിന്നാണ്.

വോഖ സന്ദര്‍ശനത്തില്‍ ഒരിക്കലും ഒഴിവാക്കാന്‍ പാടില്ലാത്ത മനോഹരമായ ഒരു സ്ഥലമാണ് എത്സുചിക. ഇതിന് ചുറ്റുപാടുമുള്ള ഹരിത ഭംഗി തടാകത്തിന് ഏറെ മനോഹാരിത നല്കുന്നു. വില്ലിന്‍റെ ആകൃതിയിലുള്ള ഈ തടാകത്തിന് ചുറ്റുമുള്ള പ്രദേശങ്ങളിലെ ഓര്‍ക്കിഡുകള്‍ പ്രദേശത്തിന്‍റെ ഭംഗി വര്‍ദ്ധിപ്പിക്കുന്നു. തെളിഞ്ഞ പകലില്‍ തടാകത്തിലെ വെള്ളം സൂര്യപ്രകാശമേറ്റ് തിളങ്ങുന്ന കാഴ്ച ക്യാമറയില്‍ പകര്‍ത്തിയാല്‍ നിങ്ങളുടെ വോഖ സന്ദര്‍ശനത്തിന്‍റെ ഏറ്റവും വിലപിടിപ്പുള്ള സ്മാരകമായിരിക്കും അത്.