വോഖയിലെ പ്രധാന ഉത്സവമാണ് ടോകു ഇമോങ്ങ്. വിളവെടുപ്പിന് ശേഷമുള്ള ഒന്പത് ദിവസത്തെ ഈ ആഘോഷം ഏറെ വര്ണ്ണപ്പകിട്ടോടെയാണ് ആഘോഷിക്കപ്പെടുന്നത്. തങ്ങളുടെ കാര്ഷികാധ്വാനം പൂര്ത്തിയായ വേളയിലെ സന്തോഷമാണ് ജനങ്ങള് ആഘോഷിക്കുന്നത്. ജനങ്ങള് തങ്ങളുടെ പരമ്പരാഗതമായ വേഷഭൂഷകളണിഞ്ഞ് പരസ്പര സാഹോദര്യത്തോടെ ഈ അവസരത്തില് പെരുമാറുന്നു. ജനങ്ങള് പരസ്പരം ആദരവും നന്ദിയും പ്രകടിപ്പിക്കുന്ന ഒരു സമയമാണിത്.
നാഗാ സംസ്കാരവും, പാരമ്പര്യവും അടുത്തറിയാന് പറ്റിയ അവസരമാണ് ടോകു ഇമോങ്ങ്. എല്ലാ വര്ഷവും നവംബര് ആദ്യ ആഴ്ചയില് നടക്കുന്ന ഈ ഉത്സവത്തില് പരമ്പരാഗത നൃത്തങ്ങളും, പാട്ടും അരങ്ങേറുന്നു. വിവിധ തരം മാംസങ്ങളുപയോഗിച്ച് തയ്യാറാക്കിയ വിഭവങ്ങളും ഈ അവസരത്തില് രുചിച്ചറിയാം.