അനന്ത്നാഗ് ജില്ലയില്‍ സ്ഥിതി ചെയ്യുന്ന പ്രധാന ഹിന്ദു തീര്‍ത്ഥാടന കേന്ദ്രമാണ് നാഘ്ബല്‍. പാറയുടെ ചുവട്ടില്‍ നിന്നും ഉത്ഭവിച്ചൊഴുകുന്ന നീരുറവ ഇവിടെ കാണാന്‍ സാധിക്കും.അനന്തന്‍ എന്നു കൂടി പേരുള്ള ഭഗവാന്‍ വിഷ്ണുവിന്റെ ആരാധനയായി ഈ അരുവി കരുതപ്പെടുന്നു. ഈ ജലം ഒഴുകിയെത്തുന്ന ഒരു കുളവും ഇതിനടുത്തായി കാണാം. കുളത്തിലെ മത്സ്യങ്ങള്‍ തീര്‍ഥാടകരെ സംബന്ധിച്ചടുത്തോളം പരിപാവനമായി കരുതപ്പെടുന്നു.

രണ്ടാമത്തെ ദോഗ്ര ഭരണാധികാരിയായ മഹാരാജ രണ്‍ബീര്‍ സിംഗ് പണി കഴിപ്പിച്ച ക്ഷേത്രം ഈ അരുവിക്ക്‌ ഇടതു ഭാഗത്തായി സ്ഥിതി ചെയ്യുന്നു. ക്ഷേത്രം ഏതാണ്ട് പഴക്കം മൂലം തകര്‍ന്ന അവസ്ഥയിലാണ്. ഇവിടെ തന്നെ അനന്ത ഭഗവാന്റെ ഒരു പ്രതിമയും കാണാന്‍ സാധിക്കും.

ഇതിനു പരിസരത്തായി തന്നെ മറ്റൊരു ദേവാലയമായ ശിവ് ജി ക്ഷേത്രം സ്ഥിതി ചെയ്യുന്നു. എ ഡി 1885-1925 കാലത്ത് മഹാരാജ പ്രതാപ് സിംഗ് പണി കഴിപ്പിച്ച ക്ഷേത്രമാണിത്. ഈ ക്ഷേത്രസമുച്ചയത്തിനടുത്തു തന്നെയായി സിഘ് ആരാധനാലയമായ ഗുരുദ്വാരയും സ്ഥിതി ചെയ്യുന്നുണ്ട്. ത്വക്ക് രോഗങ്ങളെ ശമിപ്പിക്കാന്‍ തക്കവിധം ഔഷധമൂല്യമുള്ള ഒരു സള്‍ഫര്‍ അരുവി ഇവിടെ കാണാം.