ഇവിടെ വച്ചാണ് മുനിശ്രേഷ്ഠനായ വാല്മീകി മഹര്ഷി കാലാതീതമായ ഇതിഹാസം എന്ന് പേരുകേട്ട രാമായണം രചിച്ചത് എന്ന് വിശ്വസിക്കപ്പെടുന്നു. ഇവിടെത്തന്നെയാണ് സീതീദേവി വനവാസം നടത്തിയതും, മക്കളായ ലവ കുശന്മാരെ പ്രസവിച്ചതും. ഇവര് വാല്മീകിയുടെ കീഴിലാണ് യുദ്ധതന്ത്രങ്ങളിലും, രാജ്യഭരണത്തിലും അഭ്യസനം നേടിയത്.
ഈ ആശ്രമത്തിലേക്കെത്താന് അല്പം ഉയരത്തിലേക്ക് കയറേണ്ടതുണ്ട്. പടിക്കെട്ടുകള് കയറിയാണ് ഇവിടെയെത്തുക. ഈ പടികള് സ്വര്ഗ്ഗത്തിലേക്കുള്ള പടികള് എന്നാണ് അറിയപ്പെടുന്നത്. ആശ്രമത്തില് നിന്ന് പ്രകൃതി മനോഹരമായ ഭൂപ്രദേശത്തിന്റെ ആകാശദൃശ്യം ആസ്വദിക്കാനാവും.