ആരവല്ലി മലനിരകളിലെ മല്വ പീഠഭൂമിയിലാണ് ഈ വന്യജീവിസങ്കേതമുള്ളത്. നിബിഢ വനമാണ് ഇത്. ഇത്രയേറെ തേക്കുമരങ്ങളുള്ള മറ്റൊരു വനമില്ലെന്നാണ് കണക്കുകള്. പലതരത്തിലുള്ള മുളകള്, നെല്ലി തുടങ്ങി പലതരത്തിലുള്ള മരങ്ങളുണ്ട് ഇവിടെ.
ജഖം, കര്മോയ് എന്നീ നദികള് ഒഴുകുന്നത് ഈ വനത്തിനുള്ളിലൂടെയാണ്. ജക്കം നദിയ്ക്ക് കുറുകേ ഒരു അണക്കെട്ട് പണിതിട്ടുണ്ട്. ഇതില് നിന്നാണ് കാടിന് പുറത്തുള്ള പ്രദേശങ്ങളിലേയ്ക്കുള്ള വെള്ളം കൊണ്ടുപോകുന്നത്. പലതരം വൃക്ഷലതാദികള്ക്ക് പുറമെ വന്യജീവികളുമുണ്ട് ഈ കാട്ടില്. ശ്രീരാമനാല് ഉപേക്ഷിക്കപ്പെട്ട സീത വാല്മീകിയുടെ കൂടെ ഇവിടെകഴിഞ്ഞിട്ടുണ്ടെന്ന് വിശ്വസിക്കപ്പെടുന്നു.