ഗുല്മാര്ഗില് നിന്ന് 13 കിലോമീറ്റര് അകലെ സ്ഥിതി ചെയ്യുന്ന അല്പാതര് തടാകം സമുദ്രനിരപ്പില് നിന്ന് 4511 മീറ്റര് ഉയരത്തില് അഫ്രാവത് പര്വ്വതത്തിലാണ്. ജൂണ് മധ്യം വരെ ഈ തടാകം തണുത്തുറഞ്ഞ് കിടക്കുന്നു. വേനല്ക്കാലത്ത് തടാകത്തിലെ ഐസ് ഉരുകി കഷ്ണങ്ങളായി പൊങ്ങിക്കിടക്കുന്ന കാഴ്ച വളരെ മനോഹരമാണ്. ത്രികോണാകൃതിയിലുള്ള ഈ തടാകത്തിന് മഞ്ഞുമൂടിയ ഗിരിശൃംഘങ്ങള് ഭംഗി കൂട്ടുന്നു. ഗുല്മാര്ഗില് നിന്ന് ഒരു ദിവസത്തെ യാത്രകൊണ്ട് അല്പാതറിലെത്താം. ഇവിടേക്ക് കുതിരപ്പുറത്ത് യാത്ര ചെയ്തും എത്താം. ഈ യാത്ര അതിരാവിലെ ആരംഭിച്ച് ഒരു ദിവസം നീണ്ടുനില്ക്കുന്നതാണ്. സാഹസികര്ക്ക് അഫ്രാവത് പര്വ്വതത്തിലേക്ക് കാല്നടയായി കയറാം. താഴേക്കിറങ്ങുമ്പോള് പര്വ്വതത്തിന്റെ മറുവശത്തുകൂടിയാണ് ഇറങ്ങുക.