Click it and Unblock the Notifications
മുഗള് ഭരണാധികാരിയായിരുന്ന ജഹാംഗീറിന്റെ ഭാര്യ നൂര്ജഹാന് നിര്മ്മിച്ച ഒരു ഉദ്യാനമാണിത്. 1620 ല് നിര്മ്മിക്കപ്പെട്ട ഈ ഉദ്യാനം ഒരു പഴയ നീരുറവയുടെ സമീപത്താണ്. ചിനാര് മരങ്ങള്, ഉറവകള്, പച്ചപ്പ് നിറഞ്ഞ ഇടസ്ഥലങ്ങള്, എന്നിവ ഈ പ്രദേശത്തിന്റെ ഭംഗി വര്ദ്ധിപ്പിക്കുന്നു. നീരുറവയില് നിന്നെത്തുന്ന ജലം ഉദ്യാനത്തില് ഒറു വെള്ളച്ചാട്ടം സൃഷ്ടിക്കുന്ന വിധത്തിലാണ് ഇതിന്റെ നിര്മ്മാണം. ഉദ്യാനത്തിന്റെ മുകളിലുള്ള പ്രദേശം ബാഗ് - ഇ - ബീഗം എന്നായിരുന്നു അറിയപ്പെട്ടിരുന്നത്. ഇവിടെ ഒരു ഹമാം അഥവാ ജലശേഖരം ഉണ്ട്. പില്ക്കാലത്ത് ഇവിടം സാഹിബ് അബാദ്എന്നറിയപ്പെട്ടു തുടങ്ങി. മുഗള് രാജകുമാരന് ധാര ഷിക്കോ ഉദ്യാനത്തില് ഒരു മോസ്ക് പണികഴിപ്പിക്കുകയുണ്ടായി.
ശ്രീനഗറില് നിന്ന് 56 കിലോമീറ്ററും, അനന്ത്നാഗില് നിന്ന് 8 കിലോമീറ്ററും അകലെയാണ് അച്ചാബല്. സന്ദര്ശകര്ക്ക് ഇവിടെ ടൂറിസ്റ്റ് ബംഗ്ലാവിലും, റെസ്റ്റ് ഹൗസുകളിലും താമസ സൗകര്യം ലഭിക്കും. ഇവിടെ മീന്പിടുത്തം, ക്യാംപിങ്ങ് എന്നിവയ്ക്കുള്ള സൗകര്യങ്ങളുമുണ്ട്.
