Click it and Unblock the Notifications
രണ്ട് നിലയുള്ള കൊട്ടാരമാണ് റാണി മഹല്‍ അഥവാ ക്വീന്‍സ് പാലസ്. ദോസ്ത് മുഹമ്മദ് ഖാന്‍ സ്ത്രീകള്‍ക്ക് വേണ്ടി 1720 ല്‍ പണി കഴിപ്പിച്ചതാണിത്. മനോഹരമായ ഈ കെട്ടിടത്തില്‍ ബാല്‍ക്കണിയും, ഏകീകരിച്ച തുറന്ന ഉള്‍മുറികളുമുണ്ട്.
മേല്‍ക്കൂരയില്‍ സ്ഥാപിച്ചിരിക്കുന്ന വലിയ കുടകള്‍ നിര്‍മ്മാണശൈലിയിലെ വൈദഗ്ദ്യം കാണിക്കുന്നവയാണ്. മുറികള്‍ക്ക് വലിയ വലുപ്പമില്ലെങ്കിലും മികച്ച നിര്‍മ്മാണ ശൈലിയാണ് പിന്തുടര്‍ന്നിരിക്കുന്നത്.
മുഗള്‍, രജപുത്, മാള്‍വ നിര്‍മ്മാണ ശൈലികളുടെ ഒരു സംയോജനമാണ് ഈ കെട്ടിടം. ചതുരകൃതിയിലുള്ള ഉദ്യാനവും നല്ലൊരു കാഴ്ചയാണ്. ഒരു തുറന്ന മുറ്റത്തേക്കാണ് കൊട്ടാരത്തിന്‍റെ ദര്‍ശനം. കൊട്ടാരത്തിന്‍റെ ബാല്‍ക്കണിയില്‍ നിന്നുള്ള കാഴ്ചയാണ് ഇവിടുത്തെ പ്രധാനപ്പെട്ട മറ്റൊരു കാര്യം.
