ജോധ്പൂരിനടുത്ത് മന്ഡോര് എന്ന സ്ഥലത്തു സ്ഥിതിചെയ്യുന്ന ഈ ഉദ്യാനം ഒരു പ്രധാന സന്ദര്ശന സ്ഥലമാണ്. മാര്വാര് രാജാക്കന്മാരുടെ ആദ്യകാല തലസ്ഥാനമായിരുന്നു മന്ഡോര്. ഈ ഉദ്യാനത്തിലെ വളരെ ഉയര്ന്ന പാറമേടയും മുന്കാല ജോധ്പൂര് രാജാക്കന്മാരുടെ സ്മാരകങ്ങളും അനേകം സഞ്ചാരികളെ ആകര്ഷിയ്ക്കുന്നു..ക്ഷേത്രങ്ങളുടെ മാതൃകയിലാണ് ഈ സ്മാരകങ്ങള് നിര്മ്മിച്ചിട്ടുള്ളത്. ഈ സ്മാരകങ്ങള്ക്ക് നാലുനിലകളുണ്ട്. അതില് മഹാരജാ അജിത് സിങ്ങിന്റെ സ്മാരകം അതി മനോഹരമാണ്.
മുപ്പത്തിമുക്കോടി ദേവതകള്ക്കു വേണ്ടിയുള്ള ഒരു അമ്പലവും വീരന്മാരുടെ നടുപ്പുരയെന്നറിയപ്പെടുന്ന ഒരു മുറിയും അവിടെയുണ്ട്. ഈ മുറിയില് സന്ദര്ശകര്ക്ക് എല്ലാ രജപുത്ര വീരന്മാരുടെയും പ്രതിമകള് കാണാം.ഈ ഉദ്യാനത്തില്നിന്നുള്ള പുരാതനമായ മന്ഡോര് നഗരത്തിന്റെ കാഴ്ച അതി മനോഹരമാണ്.