Click it and Unblock the Notifications
ജില്ലാ കളക്ടറേറ്റ് മന്ദിരം ഖണ്ട്വായിലെ മറ്റൊരു പ്രധാന കാഴ്ചയാണ്. പട്ടണത്തിന്റെ കിഴക്ക് ഭാഗത്തായി സ്ഥിതി ചെയ്യുന്ന കളക്ടറേറ്റ് മന്ദിരം നിര്മ്മിച്ചത് 1919ല് ആണ്. നിര്മ്മാണം പൂര്ത്തിയായി ഇത്രയും വര്ഷങ്ങള് കഴിഞ്ഞിട്ടും ഈ മന്ദിരത്തിന്റെ സൗന്ദര്യത്തിനോ പ്രൗഢിക്കോ ഒരു കോട്ടവും തട്ടിയിട്ടില്ല എന്ന് എടുത്തു പറയേണ്ടിയിരിക്കുന്നു.
15000 ചതുരശ്രമീറ്റര് വിസ്തൃതിയിലാണ് ഈ കെട്ടിടം നിര്മ്മിച്ചത്. സ്ഥലപരിമിതി പരിഹരിക്കുന്നതിനായി പിന്നീട് പലതവണ ഇതില് കൂട്ടിച്ചേര്ക്കലുകള് ഉണ്ടായിട്ടുണ്ട്.
നിര്മ്മാണം പൂര്ത്തിയായ കാലം മുതല് കണ്ട്വാ കളക്ടറുടെയും ഡിസ്ട്രിക് മജിസ്ട്രേറ്റിന്റെയും കാര്യാലയമായി ഇത് പ്രവര്ത്തിക്കുന്നു. മന്ദിരത്തിന് ചുറ്റിലും ധാരാളം മരങ്ങള് വച്ചുപിടിപ്പിച്ചിട്ടുണ്ട്. കളക്ടറേറ്റ് മന്ദിരത്തിന്റെ ഭംഗിയില് ഈ മരങ്ങള്ക്കും വലിയ സ്ഥാനമുണ്ട്. സ്വാഭാവിക സൗന്ദര്യം നിലനിര്ത്തിക്കൊണ്ട് ഈ ചരിത്ര മന്ദിരത്തെ ആധുനികവത്കരിക്കുന്നതിന് സംസ്ഥാന സര്ക്കാര് അതീവ ശ്രദ്ധ പുലര്ത്തുന്നു. റെയില്വേ സ്റ്റേഷനില് നിന്ന് ഒരു കിലോമീറ്റര് മാത്രം അകലെയാണ് കളക്ടറേറ്റ്.
