ശിവപ്രതിഷ്ഠയുള്ള ക്ഷേത്രമാണിത്. എല്ലാവര്‍ഷവും നടത്തിവരുന്ന മഹാമഹം എന്ന ഉത്സവമാണ് ക്ഷേത്രത്തിലെ പ്രധാനപ്പെട്ട ആഘോഷം. 1300 വര്‍ഷമെങ്കിലും പഴക്കമുള്ളതാണ് ക്ഷേത്രമെന്ന് കരുതപ്പെടുന്നു. ഏഴാം നൂറ്റാണ്ടില്‍ ചോളന്മാര്‍ കുംഭകോണത്ത് അധികാരം സ്ഥാപിച്ച കാലഘട്ടത്തില്‍ത്തന്നെ ഈ ക്ഷേത്രം ഇവിടെയുണ്ടെന്നാണ് രേഖകള്‍ പറയുന്നത്. ഏഴാം നൂറ്റാണ്ടില്‍ ജീവിച്ചിരുന്ന ശൈവ സന്യാസിയായിരുന്ന ശൈവനായനാരുടെ കൃതികളില്‍ ഈ ക്ഷേത്രത്തെക്കുറിച്ച് പ്രതിപാദിയ്ക്കുന്നുണ്ട്.

15, 17 നൂറ്റാണ്ടുകളില്‍ നായകന്മാരുടെ കാലത്ത് ക്ഷേത്രത്തില്‍ പുനരുദ്ധാരണ പ്രവര്‍ത്തനങ്ങള്‍ നടത്തിയിട്ടുണ്ട്, ഒപ്പം പുതിയ ചില ഭാഗങ്ങള്‍കൂടി പണിയുകയും ചെയ്തു. കുംഭകോണത്തുള്ളതില്‍ വച്ചേറ്റവും വലിയ ശിവക്ഷേത്രമാണ് ഇപ്പോഴിത്. 9 നിലയുടെ ഉയരമുള്ള കൂറ്റന്‍ രാജകോപുരമാണ് ക്ഷേത്രനിര്‍മ്മിതിയിലെ ഏറ്റവും ആകര്‍ഷണീയമായ ഭാഗം. 125 അടിയാണ് ഇതിന്റെ ഉയരം. ആദി കുംഭേശ്വരര്‍ എന്ന പേരിലാണ് ശിവനെ ഇവിടെ ആരാധിച്ച് പോരുന്നത്.