മധുര ജില്ലയിലെ ഒരു പട്ടണപ്രദേശമാണ് തിരുപ്പറംകുണ്ട്രം. മധുര നഗരത്തില് നിന്നും ഇവിടേക്ക് എട്ട് കിലോമീറ്റര് ദൂരമുണ്ട്. മുരുക ക്ഷേത്രവും ഹസ്രത് സുല്ത്താന് സിക്കന്ദര് ബാദുഷ ഷഹീദന്റെ ദര്ഗയുമാണ് ഇവിടത്തെ പ്രത്യേക കാഴ്ചകള്. തിരുപ്പറംകുണ്ട്രം കുന്നിന് മുകളിലാണ് ഈ ദര്ഗ സ്ഥിതി ചെയ്യുന്നത്. ശ്രീമുരുകന്റെ ആറ് പ്രധാനപ്പെട്ട കുന്നുകളില് ഒന്നാണ് തിരുപ്പറംകുണ്ട്രം കുന്ന്. എട്ടാം നൂറ്റാണ്ടില് പാണ്ഡ്യരാജാക്കന്മാരാണ് ഈ ക്ഷേത്രം പണികഴിപ്പിച്ചത്. ശിവന്, ദുര്ഗ, വിഷ്ണു തുടങ്ങിയ ദേവതകളും ഇവിടെ ആരാധിക്കപ്പെടുന്നു. മുരുകന്റെ വിവാഹം കഴിഞ്ഞ ഈ ക്ഷേത്രം വിവാഹകര്മങ്ങള് നടത്താന് ഉത്തമമായി കരുതപ്പെടുന്നു.